巨塔之后｜陳楨怡1分鐘「忍淚拔喉戲」晒躍進演技 表情極度痛心真感情打動網民

陳楨怡1分鐘「忍淚拔喉戲」晒躍進演技

昨晚（2日）焦點場口，絕對是王啟心硬闖醫院強硬拔走爸爸王進濤（鍾鎮濤飾）氧氣喉一幕！原本拿著進濤腦死亡報告怒氣沖沖走入病房的啟心，當見到爸爸奄奄一息的模樣，馬上心痛至雙眼通紅、隨著豆大的眼淚一滴一滴的落下、啟心的內心VO為：「當我知道你出咗意外，我好開心...我以為嚟到見到你，我會笑，但係點解我會不自覺咁流眼淚？個心仲好痛！呢種痛，令我領悟到，原來你始終都係我爹哋」…「原來無論發生過咩事，當我知道我會失去你，我係會好難過，宜家親眼睇住你畀董一妍搞到半死不活，我唔忍心，就等我幫你解脫啦！」

+3

+2

點擊圖片放大

雖然陳楨怡演齡尚淺，但該幕1分鐘的內心戲卻演得極具感染力，無論是眼淚滴出來的狀態、或是極度痛心的面部表情，都令人深深感受到啟心的難過、及對父親的愛，有觀眾亦被陳楨怡流露真感情打動：「喊戲做得不錯，竟然令到我有點鼻酸」、「由眼紅到眼淚慢慢流出，演技都唔錯」、「陳禎怡哭得好美」。

+2

點擊圖片放大

鍾鎮濤單靠眼神演活四個層次情緒獲讚好戲

向外宣稱自己是首次拍攝無綫劇集的鍾鎮濤（B哥），是次演出可謂相當唔夠喉，只出演了短短一集後便只剩「床上戲」；雖然如此，並不代表B哥沒有發揮，在前晚（9月30日）播出的第二集中，當宣萱將B哥送到醫院並作好妥善安排後、在病房中帶著淚眼溫柔問道：「我嚟咗嘞，你聽唔聽到？」

首度挑戰大量床上昏迷戲

聽到宣萱愛的呼喚，B哥先是微弱的企圖睜開眼、之後再努力望向在床側的宣萱，並睜大眼睛示意著緊自己維生指數；當宣萱精準地報畢所有數據後，B哥再安樂地合上雙眼，簡單四個眼神已清楚展現角色內心掙扎，難怪網民激讚：「B哥眼神很到位，果然是老牌演員」、「眼神入面好似講緊：我一日未死，一日都係明塱主席」、「眼神依舊震懾」。