姜濤突然自爆有「老婆」嚇窒全場 被問將來會否結婚？12字回應揭真實想法

姜濤真誠剖白面對 Haters 心路

姜濤作為近年最具代表性的香港偶像，要面對「Haters」的攻擊，他早期出道經驗尚淺，面對排山倒海的批評，曾嘗試以正面回應反擊；但其後意識到，這些「Haters」多數只是把他當作發洩日常情緒的出口。

姜濤分享婆婆粉絲故事 無兒無女視他如孫

節目中，姜濤分享了一個印象較深的粉絲故事，他的一位婆婆粉絲在另一半離世後，無兒無女、亦無親人，於是把姜濤當作「孫仔」般看待。他表示：「如果自己嘅存在，可以俾呢啲孤獨嘅人有個依靠，真係我冇諗過嘅事。」並對粉絲一直以來的支持表達感謝。

姜濤談MIRROR七年磨合 成員現互相包容缺點

提到MIRROR，姜濤直言成員年輕時都會有「拗撬」，但走到7周年，12位成員的共同歷練已令大家成熟了不少。姜濤又表示：「我哋一直都磨合緊，但係依家有咩都會直接講，互相包容大家嘅缺點。」當馬時亨問到他會否考慮於啟德體育園舉行演唱會時，姜濤就回應：「一個人係咁大嘅場開Show壓力好大，但係同MIRROR一齊就應該冇問題」。

「我老婆係出面」驚人回應

最後，當馬時亨問姜濤之後會否結婚，姜濤即刻回應：「我老婆係出面！」隨即解釋自己近年買了車，現時就像是有女朋友一樣：「間唔中都會想去望吓佢，我諗之後有女朋友都係咁嘅感覺。」馬時亨先是嚇一跳，繼而大笑。姜濤其後再補充，未來也希望擁有自己的家庭，並表示十分敬佩馬時亨維繫逾40年的婚姻。