公屋二派市區靚單位 上門視察驚現3大問題？港人呻遲遲未處理：訂幾塊玻璃要咁耐？

公屋二派樂富村 上門視察發現3大問題

該名港人在帖文中提到，表示今年7月再次收到公屋配房信，二派獲派樂富村，一家人9月初上樓視察，結果發現單位有多處問題...

單位問題1.發現馬桶有被傾倒水泥的痕跡

點擊圖片放大

單位問題2.鋁窗D鉸位好多開唔到

+3

+2

點擊圖片放大

單位問題3.冷氣位置僅用鋁板封住

+5

+4

點擊圖片放大

樓主當日已即時向房署主任反映，並附上相關照片影片作為記錄，但對方卻表示工程部已驗收，屬「正常情況」，只承諾補裝玻璃。但最令樓主氣憤的是，相關補裝玻璃工程至今仍未處理好，他不禁質疑：「訂幾塊玻璃要成個幾月咁耐？」

【原帖文】

網民有類似情況：睇黎我地住同一條村

帖文引起熱議，不少網友留言表示有類似情況，「我又係，坐廁有水泥漬」、「新規律依家都係封膠板上去」，更有樂富村街坊表示：「睇黎我地住同一條村喎，還原嗰批師傅係好流，做嘢好求其，我塊玻璃都係等咗好耐冇消息」，最後要自費請師傅處理。

網民分享類似情況

+3

+2

點擊圖片放大

網民教路4個處理方法

面對工程延誤，有網民建議樓主先不要急於收樓，並分享4個有效處理方法，詳情如下：

• 同主任講窗門開唔倒，屎坑/廚房約師傅裝抽氣扇，佢唔肯裝，師傅話開肯倒窗吾肯裝...屎塔有舊野冲水不順，好大機會塞...
• 有無call房署維修？肯維修嗎？
• 可以去同房署主任溝通
• 去1823投訴啦，房署監管不力，外判管理處管理不善，唔係秘密㗎喇

訂玻璃要咁耐？網民：有本事自己買

對於樓主質疑訂玻璃需時過長，有網民則認為應保持耐性，亦有人直言：「淨係做你一個咩，你以為你自己係主角咩」、「政府嘢係咁上下」、「唔好要，多多要求，有本事自己買」。

點擊看網民留言

+2

點擊圖片放大

樓主交代後續發展

事發至今已接近兩個月，樓主補充指自己尚未簽約及收樓，明言：「未整好玻璃，我唔會收住。」同時他每星期亦主動聯絡房署職員、發電郵至1823求助，但至今仍無下文。他批評房署內部互相卸責：「房署主任，經理就推俾工程部，剩係答你訂緊，工程部又揾唔到，真垃圾！」

來源：Facebook@香港公營房屋討論區