牛池灣街市大媽偷$5薯仔！得手後「神演技」扮清白 網民怒轟：幾蚊都唔放過？

牛池灣街市偷竊！大媽偷完薯仔再排隊扮冇事？

事件發生於本月17日，在熙來攘往的牛池灣街市，一宗「戲精級」偷竊事件近日成為網民焦點。一名年約六旬的大媽在菜檔購買淮山後，疑似趁亂折返貨架，順手牽羊拎走一袋薯仔，更大模斯樣排回人龍，假裝準備付款。整套流程有板有眼，令人懷疑：「究竟係買餸定係拍戲？」檔主翻查天眼片段後怒火中燒，將影片上載網上並怒斥：「5蚊薯仔你都偷？不知所謂」事件迅即引發網民熱話。

點擊圖片放大

偷完唔走！大媽抖袋、翻袋、扮檢查 全程演技浮誇

從影片可見，大媽買完淮山後將物品放入自備購物袋，轉身離開數步後竟又折返，面不改容地從薯仔堆中拎起一袋放入袋中。更令人驚訝的是，她並沒有立即離開，而是站在一旁抖袋、翻袋、扮搵散紙，甚至疑似將已買淮山再拎出「檢查」。檔主見狀氣憤難平，直言「不知所謂，做你隔離屋真係要小心！」

▼影片截圖▼

+12

+11

點擊圖片放大

幾蚊都偷惹眾怒 網民爆料：成日見到

影片曝光後，不少網民留言批評：「呢啲真係好賤格！幾蚊嘅嘢都偷，真係要笑下佢！」、「壞人老咗，仲識扮戲」。更有人分享類似經歷，指「超市成日見到，有人將貴嘢收埋，平嘢就俾錢，走數走到好自然。」一袋5元薯仔，竟然值得如此大費周章？

▼網民留言▼

+3

+2

點擊圖片放大

資料及圖片來源：Facebook@Ka Chun Wong (嘉俊)、illustAC@Boo、illustAC@myi、Freeguider

公公婆婆街市公然呃錢！大齡小偷3大手法作案極猖獗！牛池灣街市檔主：有片都唔認

牛池灣菜檔黃先生向《東張西望》揭露，近期街市頻現長者偷竊亂象，手法包括「半買半偷」、「拉車黨」及「找錢黨」。他無奈表示即使有閉路電視錄影存證，對方仍會矢口否認。附近攤販亦反映類似遭遇，嘆捉到都難追究。

+11

+10

點擊圖片放大

公公婆婆街市公然呃錢！大齡小偷3大手法作案極猖獗！牛池灣街市檔主：有片都唔認