平嘢都有好！嚴選Aeon $12店性價比之皇

文：U Beauty

即使10蚊店升呢變12蚊店，女人總可流連其中樂而忘返，更有唔少朋友到台灣日本旅行都要到大創門市掃貨。原因好簡單，因為她們深知平嘢未必無好，有時更加能執到寶！唔信？等小編話你知邊啲係12蚊店性價比之選啦！

1.    黑炭面膜 ( 小編評分: ★★★★☆ )

深層清潔後於T字位厚敷黑炭面膜（記得避開眉毛！），面上粉刺黑頭通通都可撕出，最驚喜是連面毛都能清理！由於黏力超強，撕出時會感覺少許痛，所以小編唔太鼓勵皮膚薄且易敏感的朋友試喇！

2.    Q10 潤手霜 ( 小編評分: ★★★☆☆）

同系列的化妝水都獲不少網友大讚。這款潤手霜保濕力不俗，適合日常使用。唯潤手霜無香味，$12產品而言表現絕不失禮。

3.    化妝粉樸／掃專用清潔劑 (小編評分:★★★★★）
 
之前講過沒有定期清潔的化妝掃含菌量比馬桶更高，貪靚的你當然要養成清潔化妝掃的習慣。唔想買專櫃牌子可以試試這款專用清潔劑，清潔力超強！建議只用作洗纖維毛掃，因小編試過用作洗動物毛掃，反而令毛質變差，所以極不建議！

4.    女性專用洗劑　 (小編評分:★★★★★） 
小編強烈建議女生試試！它有效去除血漬，沾到內褲還好，若經血不小心沾到床單或棉被就麻煩大了。於染血位置滴幾滴洗劑就能溶開血漬，用濕布輕拭已可清潔九成污漬，超方便！


5.    睫毛夾 ( 小編評分: ★★★☆☆）

或者是日本生產的關係，這款睫毛夾甚適合輪廓不深的亞洲人，值得一試。

6.    髮夾組 ( 小編評分: ★★★☆☆）
 
小編認為髮夾自動消失應該列入十大奇案。有了髮夾盒加一堆新髮夾，不怕髮夾愈用愈少啦！

7.    化妝綿 ( 小編評分: ★★★☆☆）
 
一盒180塊只售$12，一塊平均一毫子都唔駛，用作卸妝或濕敷都絕不肉赤！

8.    衣櫃用芳香包 ( 小編評分: ★★☆☆☆）
 
有莓果味、薰衣草味、玫瑰味可選，可吊掛於衣桿上辟味，使用方便。

9.        旅行分裝容器系列 ( 小編評分: ★★★☆☆）

非常適合經常出差或旅行的人，把護膚品分裝好，攜帶方便，而且有多種容量供選擇。

10.    臉部按摩器 ( 小編評分: ★★★☆☆）
從下巴到臉頰上下滾動，據說洗面後使用效果更佳，建議睇電視時碌10分鐘，不能保證你碌完立即變V面，但去水腫絕對有效果！

總結，由於兩款清潔劑各有千秋，小編實在揀唔到邊隻最好，所以唯有學獎門人話齋：打成平手！

文：U Beauty