金式森林丨莊子璇正面回應災難級演技負評爭議親揭首度拍劇壓力爆煲驚現幻覺

文: 鄭惠文

7小時前

TVB台慶劇《金式森林》是港姐冠軍莊子璇（Hilary）首度拍劇的作品，自劇集播出後演技一直備受關注。日前Hilary接受TVB官方專訪，透露首度拍劇獲益良多，並坦言自己有留意亦坦然面對及認同網友的意見：「佢哋覺得我演技唔自然，或者講嘢比較造作，其實我喺拍嘅時候都有留意呢個問題，但有時候對住鏡頭就好想提高把聲驚人聽唔到，我覺得佢哋嘅意見都好啱。」

莊子璇親揭首度拍劇壓力爆煲

莊子璇（Hilary）指自己本身並非易喊的人，但偏偏在《金式》中要應付大量爆喊場面，並謂很記得自己其中一場海邊爆喊戲、無論如何都哭不出來：「嗰日我已經特登早啲去令自己進入個情緒，但我醞釀咗成個鐘都係喊唔出、一滴都流唔出。」

曾質疑自己會拖累整個劇組等等因素壓力爆煲的Hilary，一度弄至睡覺也以為自己在拍劇：「有段時間瞓瞓吓覺彈起身會以為有Cam Take緊我，完全唔知自己做咩，嗰陣時係比較大壓力。」

莊子璇靠郭晉安一招打開「爆喊開關掣」

最終Hilary靠著郭晉安等前輩的鼓勵及指導，逐漸開竅：「我同佢哋講好驚做得唔好，但佢哋好好，話第一次拍戲應學吓點樣享受、慢慢放低啲就會令自己冇咁緊張。」Hilary續指安仔在拍攝現場會一再指導他們如何入戲，她透露拍攝其中一場情緒戲時，安仔一再提醒大家要認真想像若果真實遇到這件事時的心情會是怎樣；結果因著安仔的循循善誘，Hilary在拍攝前已成功沉浸角色之中。

點擊圖片放大

後段喊戲有顯著進步

在上周的數場喊戲中，除了有Hilary提及的海邊爆喊戲、還有在街頭拿著電話與爹哋視像對話的場口；對比兩個場口，Hilary給出了顯著的進步，皆因視像對話一場Hilary明顯喊至眼淚鼻涕、情緒相比之下真摯及投入得多。

監製林志華爆Hilary為效果重拍零怨言

監製林志華受訪時透露，該場喊戲是Hilary完成整個劇集拍攝後、再特登安排補拍：「因為呢場戲係好早拍嘅，嗰時Hilary仲未完全進入狀態，後尾問佢介唔介意重拍，佢都一口答應，而第二次佢嘅表現真係進步咗好多嘅。」林志華續指雖然Hilary真的尚有很多需要改善的地方，但不能否認的是，Hilary絕對是一名願意學習及努力的演員。