一行業成低學歷界筍工！中學畢業人工可達24k以上！網友揭2大殘酷真相：老左一定後悔

戲院工作成低學歷界筍工？

該名港人在於連登討論區以「中學畢業筍工 戲院界人工表」為題發帖，列出由戲院服務員至戲院經理、總公司職位的薪酬階梯。

即睇戲院界薪酬階梯

+10

+9

點擊圖片放大

樓主表示，戲院服務員、放映員中學畢業即可入行，月薪為$13,000；而大學畢業更可直接面試戲院主任，起薪點為$17,000，他直言「普遍大學畢業/識英文，上位會快好多」。其中戲院經理、放映員主任月薪可達$20,000-23,000左右，升上總公司職位更高達$24,000以上。

網友心動直呼「筍工」

帖文引起熱議，大批網友留言表示心動，指「人工幾好，想做，好過出面好多」，又笑言「好得閒，又可以免費睇戲」、「福利係咪有得免費睇戲」。有曾任職戲院兼職的網友分享經驗，稱工作輕鬆，「散場執下垃圾，定時定候度下溫度，有新戲上有得睇左先，但要寫影評」，形容是「hea住都有糧出」的理想筍工。

點擊看網民留言

+5

+4

點擊圖片放大

入職唔容易？過來人爆「入職靠關係」

不過，有網友潑冷水指「冇用，依啲筍工要有關係識人先可以入去做」。亦有前員工分享經驗稱，戲院工作人工不高，雖表面輕鬆，但實際上要「時hea時忙」，需要同時處理收銀、清潔、等繁瑣工作，「收錯錢要賠，仲要洗屎坑」。

戲院真係筍工？網友一針見血分析2大殘酷真相

更有不少人認為戲院業已失去吸引力，人工低且行業前景不明朗，也只是「hea工」一場，甚至有網友狠批「到你捱到上去間院都摺咗啦」。

1.人工低

+7

+6

點擊圖片放大

2.行業前景不明朗

+6

+5

點擊圖片放大

樓主爆內幕「外勞都唔做」

面對爭議，樓主再度留言補充，稱現時戲院「人手嚴重不足，外勞都唔做」，自己曾任職的戲院更出現「冇晒全職」情況，需由總公司派人頂經理位。他透露現時升職門檻極低，「依家係誇張到做pt三個月就問你升唔升上去做主任位」，反映業內人才流失嚴重，升職機會較多。

來源：連登討論區