金式森林｜何廣沛陳浚霆聲線問題被嘲「TVB兩大雞仔聲」 二人背後血汗辛酸痛改缺點

《金式森林》最新劇情

昨晚（7日）一集方氏兄弟不和終極升級，方學禮（何廣沛飾）因為有私心、竟逼令方學勤（陳浚霆飾）放棄辛苦得來的醫療報告、與爸爸方仰天（郭晉安飾）庭外和解；眼見即將要爭到手的巨額家產隨時見財化水，學勤極度激動，二人先是一言不合，繼而在遊艇上大打出手，混亂間學勤意外撞到頭部並跌落海，生死未卜…

+2

點擊圖片放大

「鬧人擔當」何廣沛陳浚霆突破斯文框框

是次除了何廣沛及陳浚霆突破斯文／公子框框飾演「衰格敗家仔」，還是二人首次挑戰「超激動勁外露」角色；當中堪稱《金式》「鬧人擔當」的何廣沛，每次鬧人時不但大聲到爆炸、更會發脾氣亂掟嘢，相當有記憶點。監製林志華就此笑言廣沛是「本色演出」，並透露何廣沛私下都是「不平則鳴」的人，坦率、老實得來帶點牛脾氣。

監製揭「雞仔聲」背後辛酸

談到二人因聲線偏高獲封「電視城兩大雞仔聲」，林志華即親揭二人背後血汗及辛酸：「佢哋都知道自己有呢個缺點，但佢哋都花咗好多時間同心機去克服。劇集開拍前，我有同佢哋兩個討論，大家都覺得如果生成咁嘅聲、又喺咁嘅家庭成長，一定會被安排要好努力去克服呢個弱點，所以佢哋兩個出到嚟唔單止講嘢會用力啲、仲會好字正腔圓。」