新聞女王2｜谷婭溦演鄉音記者度身訂造入型入格 親揭真實經歷與小天極相似飽受冷眼

谷婭溦演鄉音記者度身訂造入型入格

歌手出身的谷婭溦除了曾獻唱不少劇集歌曲，包括《香港愛情故事》片尾曲《哭牆》、《金宵大廈》片尾曲《今宵多珍重》（普通話版）、《使徒行者2》插曲《安守本份》等，亦曾報讀北京戲劇學院演技訓練班。今次是谷婭溦繼《愛上我的衰神》後第二次參與劇集拍攝，雖然演出經驗不多，但卻演活了因咬字發音問題、變得欠缺自信的「呆萌職場新鮮人」。

谷婭溦方型大眼鏡+丸子頭演職場新鮮人

面對地獄上司張家妍（李施嬅飾）的嚴厲鞭撻，小天的眼神既謙虛又不甘；而在首個採訪現場面對暴走的芬姐（關寶慧飾）時，谷婭溦亦演活了小天的驚惶失措狀態，演技獲觀眾及網民一致肯定：「小天冇膽得嚟又幾Cute喎」、「勁發呆，好似我啱啱返工咁」、「完全將職場新鮮人演活了」、「萌萌的小天」、「劇中驚驚青青的和真人完全不同呢」。

谷婭溦親揭真實經歷與小天極相似

谷婭溦坦言小天這個角色和自己經歷十分相似：「好多謝佳導（劇集總監製）搵我做小天呢個角色，我都同佳導分享過，我初初嚟到香港，一句廣東話都唔識，呢個情況下我受過唔少冷眼同嘲笑，甚至畀人恰。嗰陣完全唔知點同其他人溝通，所以去親邊度都會驚，同劇入面嘅小天好相似。」

+2

點擊圖片放大

谷婭溦為小天造型試戴超過50副眼鏡

談到新劇造型獲讚有新鮮感，谷婭溦透露主要是為了配合角色設定：「小天啱啱大學畢業，比較『I』（內向Introvert），廣東話又唔係好熟練，加上有少少IT背景，所以穿搭方面都係以『舒適』、『隨時開到工』為主。」Vivian又指為了小天的「眼鏡妹」Look，親自試戴了超過50副眼鏡：「其實我本身都好鍾意戴眼鏡，今次呢副係佳導幫我由50副入面揀出嚟。」

感激李施嬅黃宗澤貼心幫忙舒緩緊張

谷婭溦又感恩劇中前輩李施嬅和黃宗澤都相當Nice：「Selena姐姐（李施嬅）知道我拍劇經驗比較少，佢會主動同我分享佢自己嘅經驗，又會教我點放鬆；Bosco（黃宗澤）亦都好好，佢知道我緊張，會講吓笑令到個氣氛冇咁緊張，亦都會耐心話畀我知我呢個角色應該思考嘅嘢係咩。」Vivian續指由於拍攝期間感受到滿滿的團隊溫暖，故殺青當日一度流下不捨的眼淚。

笑指關寶慧好玩得 曾攞道具刀「降實」對方零詐型

談到昨晚與關寶慧的對手戲，谷婭溦大讚寶慧姐既專業又玩得：「未Roll機之前大家其實玩得好開心，但係一嗌Action大家都入戲入得好快，跟住我就好自然畀寶慧姐嘅氣勢嚇倒，我當時真係驚到手震！」、「鏡頭後大家都好歡樂嘅，我因為對把道具刀好有興趣，所以成日攞嚟玩，我仲試過用把刀『降』住寶慧姐，但佢都唔介意，好Nice。」