新聞女王2｜關寶慧相隔25年再與佘詩曼合體拍劇 客串一集重覆爆喊致體力透支

關寶慧相隔5年再拍無綫劇

以客串性質演出《新聞女王2》的關寶慧（Emily），雖然出場時間只有一集左右，但絕對過足戲癮。劇情講述一直前舖後居經營養生館生意的芬姐，原本已欠債累累，加上突然要支付30多萬元的不合理巨額大廈維修費，遂於立案法團會議上大吵大鬧，並一再要求大台SNK幫自己伸冤。

關寶慧演「暴走苦主」感動網民

全程情緒極度激動的芬姐，大大聲叫街坊「反貪雞毛司令」之餘，亦咬住疑似黑箱作業的立案法團代表莊先生（泰臣飾）唔放，先是向著對方瘋狂怒吼、繼而出手追打對方再衝入廚房擸刀「降」住對方條頸，最後索性將對方拖出十數層樓高的大廈天台、危站天台邊緣企圖同歸於盡：「我哋攬住一齊死！」、「呢個唔係錢嘅問題，係原則嘅問題！」

+3

+2

點擊圖片放大

雖然芬姐全程情緒失控，但面對警方要求先行放走現場其他業主時，芬姐都願意妥協，期間芬姐淒涼的一句：「同佢哋講，我唔係癡線架！」盡顯被誤解的苦。之後芬姐再高聲吼叫：「我要見SNK文慧心，得佢幫到我。」擾攘一輪，Man姐終趕到新聞現場，但當芬姐發現Man姐已不再是昔日的SNK女王時，芬姐再度呼天搶地嚎哭：「我唔要咩公開平台，我搵文慧心就係想喺SNK播呀！我要SNK嘅文慧心，唔係要其他台嘅文慧心！」

關寶慧相隔25年再與佘詩曼合體拍劇

今次是關寶慧繼劇集《碧血劍》後、相隔25年再與阿佘合體拍劇，二人當然亦有合照留念。對於兩大好戲之人再度合作演出，網民紛紛留言讚好：「係何紅藥同阿九！（《碧血劍》角色）」、「絕對係超大Surprise」。談到相隔25年再與阿佘合作，關寶慧接受官方訪問時坦言好開心：「我哋以前都Friend，只係大家忙咗之後少聯絡咗好多，但都會偶爾WhatsApp吓祝生日快樂。所以今次見番我哋好開心，阿佘又好Sweet嘅，同佢合作感覺好得意，既似老朋友，又似新相識。」

+2

點擊圖片放大

「既似老朋友，又似新相識」

獲邀客串《新聞女王²》的關寶慧，續指相隔5年再返娘家拍劇感覺很好：「TVB戲內戲外都係陪住我長大嘅地方，希望以後都再有機會返嚟拍劇啦。」談到這次飾演「一哭二鬧三擸刀」的芬姐，關寶慧坦言相當攰，皆因要不斷重覆大叫兼喪喊：「因為場戲成日要大嗌，同埋要就番個拍攝，啲嘢要repeat又repeat咁做，Keep住係咁流眼淚都幾難架，真係有少少透支體力嘅，個攰嘅程度就好似短短幾日入面拍完咗一套劇咁。嗰幾日拍完之後，人哋叫我去玩我都冇心機，我都返屋企瞓覺。」

關寶慧揭用真刀「降」泰臣壓力爆煲

關寶慧透露為了效果，拍攝近鏡「降刀」場面時用的都是真刀，她續指由於試過拍爆樽時、誤爆真樽弄致同場女演員見血，故今次拿真刀拍攝壓力不少：「尤其近鏡要用真刀時我係有啲驚，後尾都順利完成嘅，同埋我同泰臣事前有不斷溝通同度位，因為泰臣先係應該最驚嗰個。我係怕拍呢啲戲架，我好論盡架。」獲關文深監製大讚勤力的關寶慧，為了演好芬姐除幫忙設計造型外，還要求劇組不要補妝增加真實感：「我極力勸佢哋唔好化咁濃妝，同埋唔好幫我係咁補妝，因為喊完唔補妝會真實啲。」

關寶慧畢業於香港演藝學院戲劇系，1991年加入TVB後曾參與多部劇集演出，有「鬼后」之稱的她，經典劇集角色除有《大頭綠衣鬥殭屍》的超級殭屍屠天麗，還有《射雕英雄傳》的穆念慈，及《使徒行者3》中的霸氣助理警務處處長Madam Chan等。除了劇集演出，Emily還拍攝了超過五十部電影及參與舞台劇演出，並曾獲得第28屆香港舞台劇獎最佳女主角（喜劇／鬧劇），是圈中公認的好戲之人。

+5

+4

點擊圖片放大