35歲男藝人IG宣布離巢TVB「我畢業啦」 入行14年曾一夜成名獲高層承諾開劇
現年35歲的男藝人林至昭（前名：林子超）在2018年加入TVB，曾經在《宮心計2深宮計》及《法證先鋒IV》中演出而為人熟悉。不過日前他在社交平台發文宣佈正式離巢，與無綫結束7年賓主關係。雖然離開電視城大家庭，但他亦表示會繼續追尋演員夢想！
林至昭宣布離巢TVB
林至昭在2018年加入TVB，不過日前他在社交平台發文宣佈正式離巢：「今日我畢業啦!!!🎉🎉🎉我個年代真係睇TVB 大,所以可以加入TVB絕對係其中一個夢想成真!多謝TVB令到觀眾們認識我係一名演員,俾咗一個冠軍我,一次台慶大獎!當然仲有無數次嘅演出機會!!!」他亦感謝伯樂梅小青及劉家豪，給予他追尋演員夢想的機會。
揚言不放棄演員夢想！
雖然離開TVB，不過他亦表示不會放棄演員夢想：「有個前輩同我講過一句說話,『我哋都係多麼嘅幸運,先會被選中成為一名表演者,將娛樂帶比每一位。』,所以我仲未諗住放棄,仍然會努力去追尋我嘅演員夢想,相信好快可以喺銀幕上再同大家見面!!!🤩🤩🤩唔知道大家仲記唔記得我演繹過嘅角色同表演呢？留言話我知,就係最大嘅鼓勵!!!💪🏻💪🏻💪🏻🔥🔥🔥」
林至昭曾獲曾志偉承諾開劇
現年35歲的林至昭曾是now TV旗下藝員，主要擔任娛樂頻道102觀星台節目主持。之後曾報名參加《2016香港先生選舉》不過最終落選，後來他在梅小青及方俊華邀請下出演《宮心計2深宮計》正式加入TVB。在節目《全城一叮》中，更大膽以變身妖后造型跳唱《Lindylicious》及晒肌跳鋼管舞成功冠軍，一夜成名之後曾獲曾志偉口頭承諾開劇，不過至今仍未兌現。
全城一叮｜林子超化身金髮變裝皇后艷壓全場
穿大褸出場的林子超開場時懶神秘背向觀眾，大晒男低音為表演揭開序幕，之後一個華麗轉身脫去大褸，晒出驚艷的金髮女郎造型，妖艷的妝容、華麗的高衩舞衣加上高踭長靴，妖味甚濃。
林子超的勁爆舞藝同時焫着全場，並分別做出一字馬、瞓地腿張開及側手翻等高難度動作，大晒驚人柔軟度，成功晉級兼贏得全場掌聲！
患有先天性心漏病的林子超，其實曾做過開胸手術，自小健康便有問題，但熱愛跳舞的他為了追夢排除萬難，林子超又大拋勵志金句：「我覺得有問題唔係好大嘅問題，只要你肯衝破就唔係一個問題！」
事後，林子超在IG開Live分享感受，指為了是次表演籌備了一個月：「高踭鞋都買咗4、5對，比賽嗰對都係表演前兩日先送到香港，同埋要練着高踭鞋行路、跳舞，所有嘢加埋用咗一個月左右。啱啱開始練習時，啲朋友笑我行得似男人，咁我真係男人嚟架嘛。」
林子超續透露化妝用了近4小時，並大爆臨出場前的蝦碌事：「嗰時勁趕，臨出場前先化好妝，仲要唔小心整爛對絲襪，因為未試過着絲襪。」比賽造型如此不簡單，林子超就話：「化妝師幫我試咗4次妝，髮型師試咗2次，服裝師就同我一齊用咗10小時整套衫，整到凌晨5點。」
圖及來源：TVB、節目截圖
港生活人氣娛樂新聞
免費去☕️Coffee Day Rave咖啡 DJ 派對
可能係您試過最柔和嘅 Day Rave！
【免費送】L’OCCITANE限量聖誕倒數日曆🎄！
↓限時登記領取！一盒包含24件皇牌產品↓
假日好去處