新聞女王2｜陳曉華首次挑戰泳衣戲拍劇初登場 一件頭設計露修長美腿比例吸睛

《新聞女王2》陳曉華罕有泳衣出場

劇情講述唐芷瑤（陳曉華飾）為了融入上流圈子，決定參加商界大佬們的遊艇聯誼活動。飾演高層的黃宗澤為了幫助她，特意提供多套泳衣讓她挑選。最終，陳曉華選擇了一套款式相對保守的黑色一件頭泳衣。雖然該泳衣設計露出修長美腿並略帶Deep V元素，但相較於其他女角的性感比堅尼造型，仍顯得略為遜色。

Hera短短一集除展現了多元演技，還激罕地以一件頭泳衣上陣大晒長腿，不過由於款式太密實，令一心等睇好戲的Kingston大為失望：「我畀三套泳衣你揀，你揀件最多布嘅？！」場口搞笑。

談到密實款一件頭水著成焦點，Hera接受官方訪問，親揭密實一件頭泳裝背後意義、以及與第一季《新聞女王》的重大關連：「其實呢段三揀一泳衣嘅劇情，主要係想突顯出唐芷瑤係一個好保守嘅人，就算佢之前話過佢自己冇底線，可以走光，其實佢只係講吓，而且講完自己都窒窒地；佢就係因為有底線，所以先至揀呢件一件頭泳衣。」

+5

+4

點擊圖片放大

畫面中她身材高䠷，比例勻稱，雖然造型保守，但仍讓不少觀眾眼前一亮，紛紛大讚她的身形保持得非常好，也是一個吸睛的畫面！