新聞女王2｜倪嘉雯升呢主播仙氣笑容元氣爆燈 獲偶像佘詩曼親自指導劇本

倪嘉雯由「最美過鏡女同事」升呢SNK正式主播

昨晚（17日）劇情講述，身為前「文家軍」的Amber，因看不過眼SNK濫用「AI主播」、侮辱主播專業，與家妍對質不果後憤然離職，並帶領「文家軍」其他有離心成員重投Man姐旗下。最感人的是，當Man姐表明公開平台「冇錢請人」時，倪嘉雯Carmen等不但爽快又有義氣地齊聲表示可「共渡時艱」，Carmen更展露招牌女神級別的「燦爛純真笑容」，之後又與劉艷（王敏奕飾）鬥打俏皮眼色。

倪嘉雯元氣爆燈仙氣笑容

談到角色討喜受歡迎，倪嘉雯（Carmen）接受官方訪問時一直感激佳導及編劇團隊：「好多謝佳導同埋編劇寫Amber過檔、同埋塑造得Amber呢個人設咁討喜，我見到好多留言話好鍾意Amber咁有義氣同咁撐Man姐，我覺得自己好幸運可以做到一個觀眾咁鍾意嘅角色。」

+3

+2

點擊圖片放大

女神級小花倪嘉雯忠心熱血人設

一直封佘詩曼做偶像的倪嘉雯，談到在《新聞女王²》中有偶像有這麼多對手戲時大表興奮，並笑言是意料之外：「因為呢樣嘢我冇expect過，所以我睇劇本時勁驚喜同勁興奮，睇到漏夜都唔肯瞓。」

親揭「偶像」佘詩曼片場無私一面

Carmen續指Man姐一如以往很愛錫劇組台前幕後：「Man姐真係好錫我哋架嘛！我好記得有一次我見佢Break有少少時間，我就鼓起勇氣問佢一啲我角色嘅問題，跟住佢就好主動同我講：『哦~好啊好啊，你宜家攞晒啲劇本過嚟，我哋一齊研究。』然後佢真係每一場、每一句對白，好認真幫我去分析、去講解畀我聽，我真係好感動。我覺得佢係好想幫助我哋盡量做好我哋嘅角色、大家一齊做好件事。」

倪嘉雯翻Loop阿佘李施嬅主播片反覆練習克服「偏高音」弱點

談到第二季坐枱做主播似模似樣，Carmen續指有針對自己的聲線弱點反覆練習：「我知道我把聲有啲問題嘅，就係偏高音，但因為主播Tone都係沉啲嘅，同埋有啲獨特嘅節奏，所以我都有特別去練呢樣嘢。我有參考Man姐同家妍（李施嬅）第一季時點樣做，包括個Tone、節奏、頭嘅Movement、眼神等。雖然我坐枱嘅場口唔係好多，但我都好開心可以試吓。」

+2

點擊圖片放大