公屋申請｜房署突寄大量「轉區信」！港人獲邀轉排市區　網民分析：係咪陷阱？

公屋轉地區信｜3類人可轉市區公屋？

近日Facebook群組「公屋討論區」上，有港人貼出一張由房委會寄出的「更改公屋選區為市區」通知信，並表示自己「黃昏啱啱收到信」，令他陷入是否轉區的兩難中。

從他上傳照片可見，信件由房屋委員會發出，內容指因應市區公屋供應情況，現容許部分合資格申請者轉為「市區」選區（包括港島及九龍），如有意轉區，需於2025年11月25日或之前寄回回條。信中亦提醒，即使申請者曾通過詳細資格審查，一旦更改選區或家庭人數有變，房署有可能暫緩編配程序，並按情況決定是否需重新進行審查。

同時間大批港人收到！信件顏色各異

帖文曝光後，隨即有大批網民留言稱同樣收到信，而且信件顏色各異，包括粉紅色、藍色、綠色、黃色都有，暫時帖文內無人能確認顏色用途，但不少人疑惑是否與輪候年份、家庭人數或申請類型有關。

不少網民表示有收到「轉區信」

• 我都有收到呀！但係我個張係粉紅色紙
• 我今日都收到，係綠色
• 我是藍色，都不知道咩意思？
• 我都收到，但係我想要嘅係屯門，我嗰張係黃色
• 我收到綠色，但係我都係想要屯門，所以，唔轉
• 我都收到，不過係綠色，又咩意思

市區好多公屋？網民分析原因

不少網民對今次大批申請者收到「轉市區」信感到疑惑，紛紛留言：「點解見到咁多人收信轉區？莫非市區樓多？」、「宜家去到咁快咩，睇黎市區好多樓」。亦有留言分析背後原因，認為或與近年政府加強打擊濫用公屋、富戶政策收緊等措施有關，令市區出現「大量回收單位」，因此房署才會罕有地容許申請者轉選區。

點擊看網民留言

• 政府話之前收回9000個公屋單位，慳咗90億
• 估計有一大部分係，支持政府做到野有效率
• 而家嚟緊三倍租，好多人購買二手公屋同綠置居，所以好多市區樓單位退返出嚟
• 綠置區可入伙，同埋輪候冊上其實有一堆都超左額，第日d公屋起完唔夠人申請黎住

猶豫應否轉市區？網民反應兩極

今次討論最大焦點落在應否轉「市區」，不少網民認為市區交通便利、生活配套齊全，是吸引力所在。亦有港人分享親身經驗，表示轉區後輪候速度並未拖慢，「我轉咗廿日內首派彩輝邨」。

不過，有留言指出市區編配多以舊樓為主，樓齡動輒四、五十年。同時，部分人也擔心轉區會否延長輪候時間，甚至需要重新審查，直言「驚過唔到審查」。

支持轉市區派

+4

+3

點擊圖片放大

擔心轉市區派

+6

+5

點擊圖片放大

來源：Facebook@公屋討論區