特快公屋有筍盤？上手住戶送地磚牆身慳成萬！港人驚呼：掉空三年仍靚靚仔仔

特快公屋送地磚+牆磚？港人直呼：感覺中獎咁

樓主以匿名方式發帖，表示今年是第二年申請特快公屋，成功揀到位於新界區一個1-2人單位，面積約17.9平方米（約193呎）單位，設有獨立廚廁，屬於「自然身故」單位。他雖未透露屋邨位置，但有分享屋內相片，可見單位採光良好，牆身重新刷白，地面鋪上新地磚，看起來新淨又企理。

點擊圖片放大

樓主表示，一開門後便看到地板整潔、油漆光鮮，令他驚喜直言「感覺中獎」。不過，他翻閱看更記錄時，發現單位原來已掉空近三年，他十分好奇為何過往未曾派出，於是上網發文求解：「好奇問下係真係沒人要定今年先放出黎？上年派特快印象中沒呢間」。

免裝修慳返幾萬？網民：真係幸運

不少網民留言向樓主道賀，「真係好靚啊個地板」、「恭喜晒，最緊要就係住得開心」。有網民指出，單是地板已可節省$8,000至$10,000，若連同油漆等工程計算，開支隨時需兩萬元以上，形容樓主「真係幸運，慳返好多錢」。

點擊看網友留言

+6

+5

點擊圖片放大

網民勸樓主：唔好問咁多

至於單位空置近三年的原因，大部分網民則建議樓主毋須深究，認為既然單位狀態良好、租金合理，亦已簽約收鑰匙，便毋須追究太多背景。

點擊看網友留言

• 唔好諗太多，夜晚開哂啲燈同埋電視就得
• 心態好，心理唔怕就好
• 特快屋...你都收咗鎖匙，隨遇而安啦
• 有就住，無謂問，無謂知，又慳錢，仲想點？
• 唔好問咁多啦，諗下買咩家品好過啦

網民拆解掉空三年原因

有熟悉公屋運作的網民指出，特快編配常見類別包括自然身故、曾被拒多次的單位、鄰近垃圾房、白卡相鄰、欠債追討等「較難派出」單位。亦有人分析，指該單位在過去兩年按「正常隊」進行編配，但因多次遭放棄而未能成功派出，最終被列入特快清單。

點擊看網友分析

+3

+2

點擊圖片放大

網民建議入伙前做足準備

雖然單位狀態良好，但仍有部分網民建議樓主「重鋪地板」，指單位空置三年，難以確定上手住戶的使用情況，重新處理會令入住時感覺更安心、更衛生。有網民提供較具傳統習俗的建議，包括入伙前要「拜四角」、燒衣送舊主，以及使用碌柚葉水徹底清潔全屋。

來源：Facebook@公屋討論區