一年使17.7萬被轟「好大使」！大學生公開每月7大消費項目！網友竟一致認為好合理
大學生一個月洗幾多錢係合理？有大學生最近在社交平台上發文抱怨，表示自己日常開支均由補習收入及投資所得支付，甚至每月仍能儲錢，但父母卻批評他「 好大使」。帖文引起熱議，有人覺得樓主能夠「自給自足就冇問題」，花費多少是個人選擇；亦有網友替父母說話，指樓主仍住在家、未完全經濟獨立，開支自然容易成為家中焦點。
大學生年花17.7萬被父母鬧爆
近日，一名大學生在Threads以「大學生活」為題發文，指自己因一年花費接近18萬被父母「雙打」鬧爆，批評他「呢四年好大使」。樓主在帖文中逐項列出每月開支，包括醫療、日用品、Facial、交通、飲食及娛樂等，全年開支合共約$177,000，平均每月花費約$13,000。
2025年7大開支列表
2022年至2025年全年總開支圖
他同時上載過去四年的總支出紀錄，可見生活費用逐年攀升：2022年約5萬、2023年10萬、2024 年13萬，到2025年更突破至17萬。
樓主苦腦：大學生每月洗幾多先算合理？
樓主其後補充個人背景，指自己仍與家人同住，未有交家用，學費亦由父母負責。目前生活開支主要靠補習收入、股票及加密貨幣投資所得支撐，他透露「今年先開始做得到穩定儲到錢，主力都係炒嘢搵返嚟，補習只不過係令到自己唔餓死」。
樓主坦言，檢視開支後發現只有美容、娛樂方面可以節省，「呢度我估每個月可以cut兩千，總數一年可以慳24k」。但他仍對自己的消費水平感到疑惑，因此發文向網民提問：「大家認為究竟大學生一個月洗幾多錢係合理？」
【原帖文】
自給自足就無問題？網友認為花費合理
不少網民認為樓主能負擔個人日常開支，加上又有儲蓄，父母其實無須過度擔心，「養得掂自己仲讀緊書，幾大使都唔怕」、「你自給自足到既就100%冇問題」。有網民分析樓主被鬧原因，指父母的顧慮主要源於時代觀念不同，「搵得多洗得多係長者眼中後生嘅通病」、「你有本事搵錢又洗咁多錢，但係一分家用都冇俾」，並建議樓主避免向家人透露收入與支出，以免招來誤會。
網友分析樓主被鬧原因
另有網民笑言樓主飲食開支$3,000已算很慳，反而質疑他每年做Facial是否被「美容雞」吸金。而樓主亦有回覆，表示自己平時飲食很節制，每日兩餐約$150。至於美容費用雖近萬元，他強調是「一年加起身來的」，認為並非過分開支。
網民反駁：你好多支出係非必要
另一批網民則替父母抱不平，認為樓主仍住在家中，不用負擔租金、水電等基本開支，學費亦由父母支付，並非真正意義上的「自給自足」。有留言指出，「你話呢一年先搵得多d，係咪即係其實呢四年佢哋有比錢你使？」、「你唔係完全自給自足，無比租已經慳好多，飲食3000合理懷疑你有屋企食飯」。
點擊看網民留言
亦有不少人質疑樓主的消費水平：「點解住屋企都可以月洗13k」、「$16000真係有d多」，甚至直言「佢哋講得啱，你好多支出係非必要」、「你都唔叫大洗，邊個叫大洗」。亦有較溫和的網民表示，老一輩普遍視娛樂、旅行、美容為非必要開支，因此看到子女月花近 $16,000，自然難免感到不安。
來源：Threads
中學生零用錢中位數大公開
學生每月零用錢幾多先合理？今年初，《港生活》記者隨機向十多位中學生進行街訪，訪問他們每月的零用錢收入，當中最多零用錢的中學生有$6,000至$7,000一個月，而最少的則$1,000至$2,000左右。不過，有少數中學生都希望「加人工」，上調$1,000至$2,000左右。甚至有中學生大喊「因為（學校）喺油尖旺區，呢度消費比較高，真係建議一日（零用錢）係$150至$200」；而大多中學生的父母都依然是以現金給予零用錢，少數則用Alipay、八達通等支付平台。
延伸閱讀：中學生零用錢中位數大公開！Z世代月入平均4位數？大洗逾萬蚊買呢樣！
Instagram投票結果大多中學生零用錢只有$1,500以下？
除了街訪之外，《港生活》亦在Instagram向網民開放投票，民調結果顯示得出3,278個回覆，最多人投選有$1,500以下零用錢達45%！而$1,500至$3,000零用錢的則有36%，有$3,000至$5,000零用錢就只有10%，而最後就是$5,000以上只有9%中學生！
中學生最大洗費逾萬蚊買呢樣！
以往的中學生有零用錢除了可以買魚蛋燒賣，大家又知唔知Z世代會點洗錢？除了平日的飲食，不少中學生會課金打機、買衫、夾公仔、追星睇演唱會買周邊等。大部分都捨得花費數千元去做自己感興趣的事物，如買模型玩具、明星周邊、衣物等，而其中就有一位中學生曾花費逾1萬元買飛睇演唱會！
習慣每月儲錢數百元？
除了精打細算點洗錢之外，又會唔會有儲錢習慣呢？幾乎所有受訪的中學生中，都有養成儲錢的習慣。當中大部份中學生都會預留數百元作儲蓄，由$200至$1,000都有。亦有位同學仔表示「認真，儲錢係重要」並提醒身邊的朋友「唔好夾太多公仔」！
香港人存款中位數創新高 每月人均儲$9,800
除了每月開支多寡，儲蓄狀況亦常常引起父母擔憂。其實香港存款保障委員會（存保會）早前亦公布港人「儲蓄安全感」指標調查顯示。調查顯示，逾67%港人（18歲或以上）有儲蓄習慣，2024年每月平均儲蓄為$9,800，創歷年新高，較去年的$9,000按年上升近10%。
延伸閱讀：最新調查：香港人存款中位數創新高 平均儲蓄竟然有咁多！網友質疑：邊儲到咁多？
香港人「儲蓄安全感」指標調查結果
至於儲蓄方式方面，銀行活期或定期存款仍是最主要的儲蓄方式，佔比高達近八成（79%）；約三成（30%）受訪者透過投資儲蓄，另有兩成（21%）選擇儲蓄保險。
即睇港人3大儲蓄原因
月儲$9000真係得？港人：邊儲到咁多
相關報告隨後被轉載至本地討論區，有網友以「30歲香港人的存款中位數竟然有咁多」為題發帖，並驚訝表示：「每月儲9000，係咪傻架？邊儲到咁多啊？」引起熱烈討論。
部分網民認同樓主看法，對港人每月儲蓄$9,000的數字表示驚訝與質疑，「21歲出嚟做點儲9千？要搵咩工？住屋企唔洗俾家用？」有人坦言自己每月只能儲$100，即使月入2萬，扣除交通、餐飲、MPF及雜費後，儲蓄空間有限，「出街食幾次飯都無左」。
點擊看網民留言
- 我每月只儲$100
- 21歲出嚟做點儲9千？要搵咩工？住屋企唔洗俾家用？
- 戶口長期4位數，點解做人可以咁失敗
- 依啲新聞睇完笑下就算
- 白住老母到咩
- 月入搵2萬點儲9000，出街食幾次飯都無左講真
- Fg普通科唔好彩14-15k，坐車食飯都fing你4k mpf 7xx，電話上網雜費都500，冇學債冇娛樂先草到9k
網民點出關鍵原因：問題就係住屋問題
有網民則認為，儲蓄金額多寡往往與居住安排有關，「同屋企人住輕鬆月儲3皮幾，搬出黎住儲得1皮」、「本來儲2萬-2萬5都得，不過結完婚搬埋出黎住，洗費大左好多，好難儲錢」，指出住屋成本與家庭支持是影響儲蓄能力的關鍵因素。
網民分享成功儲蓄經驗：未畢業都儲到啦
另一方面，亦有不少網民分享個人成功儲蓄經驗，認為每月儲$9,000合理可行，有人直言：「我未畢業都儲到啦」、「25歲已經100萬啦」。部分網民指出，自住、減少娛樂及社交開支，加上專科或高收入工作，月儲1萬至2萬不難，「講真正正常常22歲開始番工，30歲100萬都無就慘啦」。尤其是新一代年輕人，很多父母不再要求子女交家用，「新一代應該好多唔駛俾家用，父母擔心子女唔夠洗多啲」。
點擊看網民留言
港生活人氣本地熱話
【香港寵物節2026】《社群》大派300張門票！
↓【限時搶⚡】鴻福堂賀年糕點↓
↓金腿瑤柱蘿蔔糕｜鴻運椰糖年糕↓
假日好去處