方力申宣布太太提早誕下囡囡！一家三口首張全家福合照！IG報喜母女平安

方力申女兒IsIa提早出世

方力申在長文透露原本今天是預產期，女兒IsIa提早來臨，讓他難掩初為人父的喜悅。方力申透露，太太在生產前的心情就像是「排隊玩，很想玩的過山車」，一直期待又緊張。他特別感謝了港怡醫院的醫護團隊，醫生為太太打的無痛分娩針讓生產過程非常順利。

方力申表示女兒Isla出生時有輕微發燒，經兒科醫生即時處理後當晚已退燒。小方亦在片中分享了太太的「走佬袋」竟是東京奧運和巴黎奧運的袋，非常可愛。

女兒樣貌「日日變」 夫婦生B計劃升級「生三個先」

方力申難掩成為父親的喜悅，笑言女兒 Isla 的樣貌「日日都喺度變」：「前日似我，琴日似我，然後今日竟然似阿媽，但之後又似返我，真係太神奇」。

他更分享了夫婦二人關於生B計劃的可愛轉變。他透露，太太在結婚後曾說可以生四個，到懷孕期間太辛苦則說最多生兩個。但女兒Isla出生後過程順利，太太現時已改口表示「可以生住三個先」。小方見狀則表示「第四個等我遲啲再爭取，我哋一兩年後再見！」 可見夫婦二人十分享受初為父母的幸福。

方力申Instagram全文：

「今日原本係我太太Maple嘅預產期，但係囡囡Isla太心急想見我哋，所以早幾日已經出咗世喇。 多謝港怡醫院嘅專業護理團隊，3A病房同產房嘅同事。一直以來超級細心溫柔嘅婦產科醫生Wendy舒醫生，多謝一直照顧Maple同埋鼓勵佢順產，另外仲有幫Maple打咗支佢話都唔算好痛嘅無痛分娩針，令到佢生產非常順利嘅麻醉科Lydia劉醫生，最後仲有我契仔Nico嘅阿叔，兒科醫生Euan蘇醫生，Isla出世嘅時候有少少發燒，蘇醫生叫我哋唔使擔心，並即刻幫Isla處理，當晚佢已經退燒。Isla出世到今日，個樣日日都喺度變，前日似我，琴日似我，然後今日竟然似阿媽，但之後又似返我，真係太神奇。多謝港怡醫院嘅照顧，特別係睇住我從單身到依家做爸爸嘅Joyce姐，仲有港怡同事Karen 同Anna呢段期間嘅安排。2025年對我同Maple黎講真係太特別，整個經歷，由結婚後Maple話可以生四個，到到懷孕期間太辛苦佢就話最多生兩個，然後依家Isla 出世之後，過程得到咁多support，佢就話可以生住三個先。嘻嘻，多謝晒，第四個等我遲啲再爭取，我哋一兩年後再見！」