港人網購中伏！拼多多$40櫈一坐即爆 港人拆開驚見異味蔗渣木！網民震驚：睇見都想嘔

拼多多中伏？$40買升降凳坐半日即散

有港人在Facebook群組「淘寶唔開心share（中伏group）」發文，指自己早前在拼多多購入一張售價$40的氣壓升降凳，未料使用不足半日便發生意外。樓主形容，當時正坐着使用，凳身突然失去承托力、固定螺絲更被「扯爆」，令他當場跌倒，過程相當驚險。

事後，樓主拆解凳身檢視內部結構，結果發現用料相當粗劣。他上傳了多張照片，可見椅面承托及連接椅腳螺絲的位置，僅以一塊厚度不足、邊緣粗糙的劣質木板（俗稱 蔗渣板）支撐。椅內填充物更令人震驚，竟是由多種顏色的碎綿混合而成，他形容「帶有異味的環保綿」。

點擊圖片放大

網民震驚：睇見都想嘔

事件曝光後，大批網民湧入留言，紛紛表示震驚，有人直言「睇見都想嘔」、「好危險」、「40蚊你都夠膽用」，並提醒樓主應即時給予一星評價，避免其他消費者誤中伏。有留言則指出，氣壓升降類家具屬高風險產品，過往內地亦曾發生多宗升降凳爆裂事故，「冇去肛腸科已經算萬幸」、「無炸菊花真係好彩」。

亦有網民關注椅內填充物問題，質疑使用所謂「黑心棉」，指出這類環保綿大多是指一般由工業廢料或回收海綿製成，彈性與耐用度遠遜原生海綿，長期使用更可能影響健康，直言「真係唔好貪平買」。

• 40你夠膽用
• 嘩，你裏面啲物料完全係工業廢料嚟，座椅黑心棉
• 真係唔好貪平買，最怕係醫療棉，一陣染病就慘
• 請你在商品評價一星或追評！好讓其他想買的人卻步
• 升降凳不要貪平，大陸出過幾次升降凳事故
• 冇去肛腸科已經萬幸，快啲丟左佢
• 無炸菊花咪算好彩囉

有網民嘲諷：一分錢一分貨

另一方面，亦有網民以調侃方式回應事件，笑言「40蚊買到，大師級手藝」、「啲填充物好正常架啦」，以如此低價購買氣壓升降凳，質素自然難有保證，更直言「一分錢一分貨，坐到一年當你贏」。亦有人指出，40元連一個焗豬扒飯也未必買到，「$40食個焗豬扒飯都唔得，你expect啲咩質素？」

即睇網民留言

+8

+7

點擊圖片放大

來源：Facebook@淘寶唔開心share （中伏group)