做公務員好慘？港男列6大慘況呻新制福利大縮水！網民嘲：返私人公司做囉

做公務員好慘？連登仔列6大慘況：唔易捱

近日連登討論區上，一名男網友以「我發覺而家先黎做公務員真係好慘」為題發帖，吐槽入職公務員後的工作與福利現況。他表示，現時福利大不如前，工作量繁重，更直言：「福利越黎越少，乜野長糧已經冇曬，屋又有排等，黎緊仲要話隨時冇跳point」，不禁慨嘆「而家先黎做公務員真係好慘」。

做公務員6大慘況

+10

+9

點擊圖片放大

網民有同感 新制公務員福利大縮水

帖文迅速引起大量共鳴，不少網民留言認同樓主說法，「好多公務員未過試用期就唔撈，你就知新入職幾痛苦」。有人指出，外界常誤解「早做早享受」是指一畢業即入職，實際上是指老一輩的舊制福利，現時新入職者已難享同等待遇。

舊制 vs 新制？待遇差異極明顯

網民細數舊制福利，指出2000年前入職公務員享長糧、年假多達40日以及退休醫療保障。更有留言指出，親戚至今仍可享長糧，但新制入職者退休保障縮減，假期少、醫療卡取消，「新制後已經冇福利可言，大假又少，又冇長糧，醫療卡又冇」。

即睇網民留言

• 2000年前入職既就真係好著數，有長糧又有勁多假放 
• 舊制公務員有長糧、4X日年假，新制福利完全廢，退休都冇醫療保障，衰過HA
• 我親戚舊制公務員，到依家仲出緊糧，遲出世就要係咁食屎...
• 有街坊80歲舊制退休廿幾年，真係食窮政府
• 新制後已經冇福利可言啦，唔係近年嘅事，大假又少，又冇長糧，醫療卡又冇

網民一原因唔撐：建議轉私人市場

不過，亦有網民認為，即使新制福利縮水，公務員吸引力仍存在，有穩定鐵飯碗以及強積金供款優勢，亦可每年「跳point」加薪，薪酬福利遠勝過私人市場。

即睇網民留言

+10

+9

點擊圖片放大

更有人直言樓主抱怨過度，忍不住嘲諷：「去返私人公司做囉」、「辛苦嘢等我嚟」，更直言公務員的奇怪邏輯，「既要鐵飯碗，又想私人公司福利」。

來源：連登討論區