方力申46歲生日首度公開愛女中文名！父愛滿瀉拆解Family密碼預告追第二胎

46歲生日罕晒父女溫馨合照 囡囡中文名曝光

方力申在帖文中透露，囡囡的中文名字正式定為「方愛嘉」。他解釋「愛」字的靈感源於家中門口掛有的「愛」與「家」書法，象徵著家庭是他目前生活的核心，同時普通話讀音亦與英文名Isla互相呼應。

+3

+2

點擊圖片放大

至於「嘉」字則是特別找來好友兼玄學家陳定幫師傅親自操刀，取其發音與「家」相同。有趣的是，小方更在文中揭開了一個隱藏的家族名字「字母密碼」，指出「Family」一詞正好完美代表了他們全家人。

拆解Family字母

密碼 驚喜暗示已有心理準備追第二胎

方力申詳細拆解這個「Family專屬密碼」，當中F代表Fong（方）、A代表Alex（方力申）、M代表Maple（太太葉萱）、I代表Isla（囡囡）、Y則代表Yip（葉）。最令一眾網民感到驚喜的，是他特別提到當中的「L」是代表「未來嘅寶寶」，驚喜預告了他與太太已有心理準備繼續努力，計劃追生第二胎以完整美好的家庭。

將人生比喻為過關遊戲 坦言做老竇後難度大升級

方力申在感性的生日長文中，將人生比喻為一場過關遊戲。他形容自己單身時面對各種挑戰都游刃有餘，不過自從婚後及愛女出生後，遊戲難度簡直是達到了「Level Up」的全新境界。他坦言現在切身體會到「養兒一百歲，長憂九十九」的沉重壓力，各種關於未來的計劃與擔憂不斷湧現。不過這份壓力亦讓他甘之如飴，讓其生活重心徹底從昔日的「我」變成了如今的「我們」。

+2

點擊圖片放大

方力申原文：

「喺過去嘅一年，我結咗婚，仲生咗個女！做咗近三個月嘅申爸爸，感受真係多到爆！如果人生係一場遊戲，單身嗰陣我覺得自己都幾好，工作穩定，有過啲成績，自己同父母都健健康康，呢個遊戲玩得幾好！但結婚後，我發現呢個遊戲突然難咗好幾級！

愛情唔係淨係得個講字，真係要行動，仲要一齊維繫感情。結婚後更要實踐「一生一世」嘅承諾。小Isla出生之後，感覺就更加強烈，難度又再升Level！養小朋友真係有「養兒一百歲長憂九十九」呢句說法，完全中！各種計劃、擔心不斷湧現，唔只係我，仲有我太太一齊經歷。令我覺得未來呢個旅程係一定會更加刺激，心入面緊張得來，又充滿期待！每個人都有唔同選擇去過人生，單身，就係將「自己」活出極致，結婚生小朋友，就係將「我」變成「我們」。

我個女Isla叫方愛嘉，我哋係先改英文名，然後再改中文名。揀「愛」字係因為我屋企房間門口有兩幅書法分別係「愛」同「家」。對我嚟講，家庭係最重要，「愛家」係我生活嘅重心。而且「愛」嘅普通話發音又可以同Isla呼應。至於「嘉」字，係老友陳定幫師傅幫我哋改嘅，發音亦係同「家」字一樣。

講到我哋嘅家庭Family，F代表Fong，A係Alex，M係Maple，I係Isla，L係未來嘅寶寶，Y係Yip，既然中英文意思都咁夾，所以就乾脆叫佢愛嘉啦！Isla 愛嘉，爸爸今日嘅願望就係希望妳能夠一生平安、健康、快樂！（其他就隨緣啦）
#itsawonderfonglife #申爸爸 #愛家 #愛嘉」