中年好聲音4｜劉佩玥唱《難得有情人》奪83分 遭周國豐狠批升Key多餘

劉佩玥唱《難得有情人》奪83分

當主持車婉婉問及為何身為當紅花旦仍要參加比賽時，劉佩玥隨即眼泛淚光並表現激動。她坦言：「我喺度心諗如果今次我唔參加嘅話，可能我下一次冇機會。我今次唔止見到好多勁人，仲做到朋友，仲可以學到好多嘢，好開心呀！」

微笑獻唱難得有情人 獲讚散發少女懷春氣息

在首場分組賽中，劉佩玥挑選了關淑怡的經典成名作《難得有情人》作為出戰歌曲，最終成功為綠隊奪得83分的成績。她以甜美笑容配合柔和聲線演繹，展現出與平日拍劇截然不同的音樂舞台魅力。

尾段升Key弄巧反拙 遭兩大評判直指無幫助

評判張佳添點評時大讚這首歌曲非常適合劉佩玥的聲線，直指其演繹散發出一種「少女懷春」的感覺，，但說：「最尾升Key嗰吓有啲多餘，爭啲令你嘅聲音唔穩定！」

海兒亦認同她適合演唱這類帶有微笑感及輕快的歌曲，不過「你去到高音嘅位、難少少就笑得冇咁開心，你會即刻認真咗，所以smiling muscle對你係有用嘅。」

周國豐則指劉佩玥今次演出表現穩定：「但你用緊好近似原本嘅編曲，我覺得唔着數，仲有另一個安排係唔需要升Key，因為升Key對件事冇幫助，反而好容易捉唔啱個Key。」他希望劉佩玥要相信自己，唱歌能力必定會提升。