臥底嬌娃丨陳瀅罕晒性感吊帶喱士睡衣look 鏡頭前除衫透視曲線極盡誘惑

張曦雯陳瀅羅毓儀鍾柔美睡衣派對

昨晚焦點場口，絕對是四位嬌娃的睡衣派對，Kelly、陳瀅、Yumi及Yuki經過抽簽後，分別穿上成熟風、動物系、碎花少女系及單色少女系睡衣。之後，陳瀅借攞嘢飲為名，由「動物系」搖身一變成「碎花少女系」，風姿綽約地慢步來回別墅梯級「攞嘢飲」，配以飄逸的秀髮及誘惑力十足的回眸甜笑，電力驚人，成功色誘程浩駿偷拍美腿照。

陳瀅吊帶喱士睡衣「色誘」

今次在《臥底嬌娃》中獲讚狀態大勇的陳瀅，除與Kelly齊齊升任「魅力擔當」，還是劇中的「女力士擔當」。繼前晚（3日）一嘢舉起Yuki兼孭住Yumi上樓後，昨晚再成功的起程浩駿過肩摔落地，雖然看得出鏡頭是經過剪接，但還是感受得到陳瀅的大力程度。

一嘢抬起羅毓儀兼過肩摔程浩駿

除了網民洗版式留言讚嘆陳瀅力大如牛，就連幕後也對陳瀅的神力為之折服，更指她孭著Yumi上樓梯一幕拍得極為輕鬆。談到為劇集「賣力」演出，陳瀅坦言有難度兼NG不斷：「可能因為平時做開gym，所以我下身都夠力舉起佢哋。Hellston（程浩駿）嗰個真係比較難，因為佢真係比較大隻，同埋我直情要一隻手翻佢過肩，所以拍咗好多個take都唔係好成功。」

張曦雯吊帶短裙晒身材

《嬌娃》其中一大特色，是三位女主角換衫換到恍如Fashion Show，昨晚除睡衣派對、三人潛入二世執行任務期間，Kelly的超貼身橙色吊帶短裙相當吸睛，令人眼前一亮！

邵美琪極速變臉笑裏藏刀

另值得留意的是，昨晚陳瀅成為邵美琪保鑣後，因好心給了一個意見，竟遭邵美琪冷眼怒睥兼冷言冷語：「仲有，做緊嘢嘅時候叫我劉太」，冷酷狀態與平日Nice樣判若兩人之餘，仲要帶點笑裏藏刀的感覺，獲網民高呼不簡單：「邵美琪變臉超快」、「一打佢工即刻變臉」、「邵美琪極有可能係Big Boss」、「搵得邵美琪做，果然唔簡單。」