港人3月中裸辭「一星期見10份工」嘆懷疑人生！網民眼紅：我零回音附面試3招

文: 溫藹紅

1小時前

【打工仔 / 裸辭 / 搵工 / 面試 / 辦公室政治 / 職場熱話 / HR技巧】面對日日受氣的辦公室政治，不少打工仔都曾萌生「裸辭」的念頭。不過在現時的經濟大環境下，沒有「後路」就遞信，隨時要面臨漫長的空窗期煎熬。近日有打工仔在社交平台大吐苦水，指自己3月中毅然裸辭，雖然在短短一星期內瘋狂面試了10份工，但結果卻令他「見到懷疑人生」。帖文一出瞬間引起極大迴響，更引出大批同路人分享現時市道搵工的辛酸！

不甘被同事針對辭職一星期面試10次感崩潰

近日，有網民在Facebook群組「裁員炒人消息關注組」發文，大嘆求職艱難。樓主在帖文寫道：「3月中裸辭，一星期唔夠已見咗10份工.............見到懷疑人生」。有網民好奇追問樓主為何要在這個時勢裸辭，樓主無奈大爆舊公司的辦公室政治，直言自己是「被兩個XX害，無得唔辭」，並透露對方是兩名年過40歲的女同事，反映其離職充滿無奈與委屈。

點擊圖片放大

網民反應兩極：有人狂Send履歷零回音、有人轉行揸小巴

帖文迅速吸引大量網民留言討論，反應呈現兩極化。有部分網民對樓主「一星期有10個面試」表示極度震驚及羨慕，直指現時能有面試機會已算非常幸運：

點擊圖片放大

網民留言：

「一個星期有得見10份都好犀利喎」
「Showoff post?（炫耀帖文？）」
「我send咗30幾份一份回音都冇」
「有啲人一星期都無得見。不斷咁send都無in或者見完無下文...個d人咪仲灰過你啦！」
「其實有得十份工你見已經唔錯，起碼你嘅背景都仲有market，唔好放棄，好快搵到工，加油」
「如果見文職會難攪D，如果係藍領或必須人力所需要工作，基本上沒少到，係顧主要求係要平」

同時，亦有不少過來人及網民苦勸大家現時千萬不要衝動裸辭，甚至分享自己的慘痛經歷：

點擊圖片放大

網民留言：

「真係唔建議裸辭！你想叫高過last job人工好難！同埋HR會好大concern！」
「勁！......呢個經濟情況都裸辭。大多數公司都 Cut Budget 中.....你加油啦。」
「我都係3月裸辭，呢排去左揸小巴。加油師兄。」
「搵咗2年幾，過百封cv，見得4份工，見到2年幾仲請緊同一個post」
「我試過搵40份，見10份，得一份offer」
「今年係難搵工過上年，好多僱主係要搵人，但又好審慎揀最合適既人。又要平、又要十項全能，又要肯ot。」

不過，也有暖心網民力撐樓主：「健康最緊要，精神折磨唔係講笑」、「有人見100份先至成功，加油」。另外亦有網民好奇樓主從事哪個行業，樓主表示應徵行政相關工作。

求職市場「僧多粥少」？應徵者面臨激烈競爭

網民的擔憂並非無的放矢。根據本港大型求職平台的2025年度數據顯示，由於部分企業縮減開支，去年本港招聘廣告數量按年錄得約17%跌幅，但同期的每個職位空缺平均申請數字卻飆升 58% 。數據指出，每月遞交過百份求職申請的「海量應徵者」人數更按年上升 33% 。意味著市場正處於「僧多粥少」狀態，求職者面臨的競爭激烈，僱主挑選候選人的時間亦會相應拉長。

2026年首季招聘意欲保守僱主審慎揀人

另外根據人力資源顧問公司《ManpowerGroup就業展望調查》顯示，2026年第一季本港僱主的招聘意欲雖然維持正面，但整體趨向保守。有近三成（29%）的受訪僱主更預計會在首季縮減人手，而整體的就業展望指數更低於全球平均水平。在企業「睇住條數做人」及嚴控預算的情況下，打工仔裸辭後要尋找薪酬待遇理想的新工作，難度自然大增。