正義女神丨佘詩曼被輪流爆大鑊揭私下真面目 周嘉洛語出驚人：佢係精神分裂！

輪流爆佘詩曼大鑊

周嘉洛與戴祖儀原來早前默默聯同蔣祖曼及馬貫東，齊齊爆佘詩曼「大鑊」，蔣祖曼一嚟便直指阿佘「癲㗎」，而周嘉洛亦附和：「佢係精神分裂嘅」，還追加直指阿佘「多重人格」，相當驚爆。

周嘉洛語出驚人：佢係精神分裂！

但原來二人其實是指，阿佘無論前一晚玩得多開心，她第二日開工都能變回劇中角色、收放自如。蔣祖曼：「佢收工去玩時會變咗另一個人，但你唔好理，就算佢點樣玩都好啦，佢第二日又變番另一個人，所以我覺得佢真係癲。」

揭佘詩曼暖心舉動

除了收放自如程度達到「癲」峰，出名Sweet到爆的阿佘，亦被爆出多一件暖心日常，而今次受惠者是馬貫東，馬貫東：「有一次我病咗拍法庭戲，跟住我自己瑟縮一角，好凍，跟住阿佘走過嚟，問我係咪唔舒服，我筆碗湯你飲吖，嘩！佢攞出嚟嗰碗羅宋湯真係全世界最好飲嘅！」