北上返港特別躁底？網民揭3大致命痛點 過來人教舒爽回程只揀呢個方法

港人北上後出現「易躁底」特徵？網民：一返香港就鬧交

出外旅遊玩明明好開心，但一踏上回程路途，心情就瞬間起變化？近日有網民在連登討論區發文，分享其觀察到的一個現象：「啱啱上水搭東鐵出九龍，架車埋站嗰時，聽到有人唔知係咪撞到人跟住鬧交」。樓主更表示，最近上網見到幾次北上鬧交的影片，全部都是發生在「北上完返緊香港／準備返香港嗰時」，直言「好似個個一返香港就躁底」。

點擊圖片放大

帖文一出，隨即引發大批網民共鳴，紛紛留言附和這個「易躁底」特徵：「真，我有好幾次返黎，係B1個巴士總站都見到有D雞蟲阿叔係度爭執」、「好憎返香港果下，又迫又趕時間」、「我都係啦，過關趕頭趕命同啲大陸喱鬥快（唔知為乜），之後又趕住落去搭巴士驚佢走，行呢段路都出少少汗㗎」。綜合帖文留言，本文歸納出網民意見，認為導致這個「易躁底」特徵的3大致命痛點如下： 

痛點1：過關長途跋涉又熱又迫

長途跋涉絕對是消磨耐性的元兇。有網民一針見血指出：「長途跋涉辛苦咩嘛，你諗下喺羅湖過關嗰度又熱又迫又耐又要拖住啲喼，跟住仲要趕搭長途車 起碼預多一個鐘先返到屋企」。在這種極度勞累的狀態下，加上「上到去你唔跟隔其他人爭先恐後 會被人撞死」，自然容易因小事發生摩擦。

▼網民留言▼

點擊圖片放大

痛點2：內地環境壓力大 兩地模式難切換

有網民認為「易躁底」是受內地環境影響：「根本大陸環境就會使人燥，一街電雞隨意穿插，吐痰，食煙，要幾自私有幾自私... 其實全程都要充滿戒心，壓力，去完一日情緒好易爆」。

另外，亦有人提出「模式切換論」：「喺香港上緊去時，人人仲講排隊、守秩序，但入咗境之後，如果仲講排隊守秩序，就會連車都上唔到... 到返嚟時，一時未轉返香港文明模式，難免會多衝突」。

▼網民留言▼

點擊圖片放大

痛點3：由天堂跌落地獄「諗起返工就燥」

這個原因相信最令打工仔崩潰！網民形容，準備上去時想著去哪間洗腳店、點邊個技師，當然開心，「但爽完之後返香港，幾十萬人一齊逼過關，過完關之後又逼巴士... 諗到返到屋企，又要拿拿聲沖完涼，跟住就要訓教，第二朝6點起身準時返工，當然燥啦」。正所謂「返黎同星期一朝早開工既心情冇分別，緊係躁」。

▼網民留言▼

點擊圖片放大

過來人教路！只揀「特定方法」返香港

既然不想破壞週末的好心情，到底有咩解決辦法？有網民直言：「唔搭鐵返咪冇咁辛苦」。一眾「過來人」在帖文中強烈建議以下 2 個舒爽返港秘訣：

• 秘訣1：轉行皇崗等少人關口
  有網民極力推薦避開人潮最密集的關口：「行皇崗感覺係好啲，人少少，啲人係無羅湖落馬洲嗰種咁趕，過完香港關瞓下覺就到市區」。網民認為一係就去少人啲的關口落香港，雖然皇崗現時要「行上行落」，但期待未來新皇崗會更方便。

• 秘訣2：轉搭直通巴士
  與其拖住行李在口岸同人逼，不如用錢買舒服。過來人教路：「搭直通巴士貴幾十蚊舒舒服服係好」。上車有位坐兼有冷氣，大大減低因疲勞及擠迫而引發的情緒爆發。

資料及圖片來源：連登討論區、HKET圖片庫

銅鑼灣高質酒店僅$100一晚？雙人房每人$50平過青旅 網民揭平價真相

$100可以在銅鑼灣住到超高質酒店？近日有網民表示發掘到一間酒店，空間雖小卻五臟俱全，從房間設計、酒店外觀以及提供服務都相當高質，平均只需要$50便可以留宿1晚雙人房！網友直稱性價比極高，甚至比青年旅社的宿費更為划算，非常適合低成本旅遊人士！

+9

+8

點擊圖片放大

• 銅鑼灣高質酒店僅$100一晚？雙人房每人$50平過青旅 網民揭平價真相

酒店住尾房唔係最陰？陳定幫揭「呢款房」最大殺氣！拆解5大旅遊風水迷思：入房敲門有技巧、床尾對鏡有冇影響？

酒店禁忌｜每次入酒店房，心入面總係「囉囉攣」，擔心會撞鬼？到底住尾房係咪一定最陰？入房敲門係「知會」還是「挑釁」靈體？香港玄學大師陳定幫逐一拆解5大旅遊風水迷思！師傅指出，住尾房不一定陰氣重，呢先至最聚陰！師傅教你一招零成本提升個人陽氣，入房前再做一事，自然去到邊都住得安心、瞓得穩陣！

+49

+48

點擊圖片放大