試真D｜周嘉洛一人挑戰平價日租「照騙酒店」！評分低至3字頭！嚴重貨不對辦

周嘉洛入住公寓墜「照騙」陷阱

節目中美儀姐、周嘉洛、朱敏瀚（朱仔）與曾展望（GM）分別實測住宿、湯水專門店及網紅超市「紅黑榜」食物。而周嘉洛就需要單人匹馬挑戰日租200多港元、但最低評分竟低至3字頭的疑似「照騙酒店」，果然一殺入酒店，即發現圖文嚴重不符，眼見貨不對辦如此嚴重。

嚴重貨不對辦反諷︰同我一樣咁平實

嘉洛仔即發揮其一貫超感幽默感，以「金城安廢青」crossover「地產經紀油腔滑調」Style大拋「正面字眼」逐點反諷，「溫馨提示」觀眾，指酒店不但未如照片中漂亮、開揚、闊落，而且很多設施均形同虛設，有等於冇。

不過嘉洛仔竟仍能一一想出「好處」，：「大家見到呢個屋嘅設計……係冇嘅，同我一樣咁平實、有內涵（裝修）」、「呢個廁所我哋採用咗乾濕永不分離嘅設計，只要喺度屙完篤屎，直接掹個花灑洗埋Pat Pat，快靚正，因為我哋知道時間就係寶貴嘅資源。大家留意到啦，個廁所係冇蓋㗎，有蓋你點可以睇到個水位呀？依家有水冇水，一目了然（廁所簡陋）」。

+2

點擊圖片放大

最後嘉洛仔回復測試員身份，強烈勸勉大家不要入住，笑言「我哋睇睇個景色先，呢個景色幾咁開闊，無論隔籬晾衫你會睇到，開電視你會聽到（冇景觀）」、「你睇吓感唔感受到一絲嘅微風呀？真係半絲都冇㗎…無論係春夏秋冬、微風、狂風、強風都唔會有分別，呢個就係我哋專注嘅（通風差）」。