試真D｜GM曾展望挑戰食「手掌咁大」蠍子！面容扭曲嚇到面青咁形容味道...
無綫綜藝節目《試真D》由江美儀、周嘉洛、朱敏瀚、吳業坤及曾展望合作擔任主持。由於《試真D》內容真實有趣，加上五位主持的特色，播出後贏盡好評！昨晚（20日）播出的《試真D》，江美儀就和朱敏瀚、GM曾展望一同品嚐過千港元靚湯，當中GM不但被牛睪丸的味道嚇至面容扭曲，更挑戰「手掌咁大」的蠍子，場面笑爆。
美儀姐孖GM、朱仔品嚐過千港元靚湯
節目中美儀姐、周嘉洛、朱敏瀚（朱仔）與曾展望（GM）於深圳分別實測住宿、湯水專門店及網紅超市「紅黑榜」食物。在三大實測行動中，美儀姐和GM、朱仔就一同前往湯水專門店，該店品特色除了用瓦煲煲湯外，還強調是煲足3小時以上的老火靚湯，客人更必須提前預訂才能享用。
製作組專誠預訂「少爺湯」、「蠍子湯」
製作組專誠為三位主持預訂的，分別是價值888元（人民幣．下同）的「少爺湯」及268元的「蠍子湯」。「少爺湯」材料包括原條牛鞭、牛尾、牛筋及雞腳等，有補腎壯陽及增強體質的功效，美儀姐及朱仔食後異口同聲指牛鞭質感似牛筋、牛睪丸則味道似雞子，聽落並唔趕客。
GM食「手掌咁大」蠍子嚇到面青
不過已戒牛的GM雖未有飲湯，但只是聞到牛睪丸陣味已嚇至面容扭曲兼標眼水，十分搞笑。之後有「蟲蟲驚恐症」的GM再挑戰「手掌咁大」隻蠍子，驚到面青的他「本死」緊閉雙眼將蠍子放入口，更食到乸口乸面，雖然他品嘗完說：「有啲似蟹膏味」，但不忘加後一句：「但我本身唔『好』蟹。」笑爆全場。
港生活人氣娛樂新聞
↓【限時搶⚡】麻辣喵麻辣脆脆↓
↓新鮮爽脆嘅辣椒、蒜頭同紅蔥頭↓
U Lifestyle App送您QOLLABS升級版「大餐救急丸」！
↓All in one全面阻隔燃脂↓
假日好去處