試真D｜吳業坤當眾問一條問題辣㷫江美儀 連環扯火炮轟：真係好失禮
《試真D》日前播出最後一集，江美儀、朱敏瀚（朱仔）及吳業坤（坤哥），將先後品嚐潮汕超巨大珍寶肉丸／海鮮丸，特色美食蠔烙、蠔爽及魚飯，亦會將再度出現滿分食店，值得期待。三樣美食之中，三人對「魚飯」最為讚不絕口，試食期間亦是笑料百出！佢放呢good night
嘅吳業坤問錯一條問題焫著江美儀
事緣三人在品評有卵魷魚時，坤哥突然問店主魷魚是男的還是女的，結果令美儀氣至反晒白眼，連環狙擊坤哥：「你究竟有冇讀書架喺香港」、「你除咗唱歌之外，仲識唔識字架」、「真係好失禮。」
經常「寸爆」坤哥的美儀姐，席間提到記得坤哥愛吃魚腩時，又不忘窒對方：「我就記得佢啲嘢，佢永遠唔記得我哋啲嘢」、「我依家開始擔心你太太」，令坤哥完全沒還擊餘地，十分搞笑。
江美儀親解潛伏餐廳「冇人認得」之謎
另為答謝《試真D》粉絲支持，美儀姐、朱仔、坤哥、周嘉洛及曾展望早前專誠合體齊齊回應網民各式各樣疑問。對於被問到拍攝期間是否「真的冇人認得時」，美儀姐笑言：「真係唔認得，因為首先我真係好醜樣，點解呢？因為佢哋冇燈嘅，唔會幫你打燈美顏，淨係靠部手機揸住入去架啫。」
5位主持終極合體逐一回應節目負評
坤哥聞言即作死搭嗲：「即係有盞燈就靚架喇。」搞到美儀姐反晒白眼，嘉洛仔見狀即急忙幫忙打圓場：「你本身都好靚架喇。」朱仔更取笑坤哥：「你不斷搵位自殺嘅？」
談到有網民問到五人會否覺得節目有貶意，朱仔則正色回應：「冇，我哋有個宗旨，一間再好嘅餐廳都有佢唔好嘅地方，一間唔好嘅餐廳都會搵到啲好嘅地方，我哋盡量中間攞個平衡。」至於坤哥亦難得正經謂：「TVB真係難得有個咁創新、唔係淨係讚嘅節目。」
港生活人氣娛樂新聞
↓送您Haenim升級嬰兒用品✨↓
↓【請您去Staycation🏡！】↓
假日好去處