公屋二派「神操作」？5人家庭拒葵涌首派！港媽做一事申請重派 一個月獲派將軍澳原區單位

公屋一派不合心意 港媽做一事申請重派

有港人於Facebook群組「公屋討論區」發文，分享其公屋編配經歷，表示一家五口首次獲派葵涌石籬邨，但因地點未能配合原有生活圈及子女上學需要，最終選擇拒絕首派單位。她提到，當時已清楚向相關部門說明拒絕原因，包括子女就學問題及希望返回將軍澳區居住，並提交相關說明文件。

相隔一個月再獲編配 成功派中心儀單位

在拒絕首派後約一個月，樓主便收到第二次編配通知，最終成功獲派將軍澳尚德邨單位，結果令她感到驚喜。她在帖文中興奮寫道：「上次葵芳唔啱！想要返將軍澳區，今日收到信真係將軍澳區，開心仲畀原先自己住嗰度近，小朋友返學又近咗。」

網民紛紛恭喜：派返生活圈最理想

帖文一出，不少網民留言祝賀，認為能派回原有生活圈相當難得，「可以派返本身嘅生活圈，無嘢好得過咁」、「附近搬仲可以慳返搬遷費同時間」，形容情況相當幸運。另有網民認為樓主做法值得參考，指出「睇運氣，始終寫咗唔代表機會係零」。

即睇網民留言

+5

+4

點擊圖片放大

網民追問表明拒絕原因是否有幫助？

同時，不少網民對樓主做法感到好奇，紛紛追問細節，包括「我想請問期間有冇寫信請求？」、「你寫拒絕原因，係咪要將軍澳區？」以及「你拒絕1派時，有要求想派返將軍澳區？」反映不少公屋申請者都關心，向房處表達意願是否會影響最終編配結果。

樓主親自回覆：照寫會好啲

對於網民提問，樓主亦逐一回覆，表示當時確實有寫明子女上學問題，希望可派回將軍澳區，但亦坦言「唔知會唔會有作用，但係照寫會好啲，有啲人都講過未必會有用」。

她補充，當拒絕首派單位時，相關部門會詢問原因，申請者可提出自身需要，但最終是否影響編配仍屬未知，「會問你原因你要講，但唔一定幫到你嘅訴求」。至於新單位位置，她亦補充距離現時住所僅約7至8分鐘路程，「由我自己呢度出發去新屋嗰度7至8分鐘」，大大節省搬遷及日常交通時間，直言「真係慳好多」。

來源：Facebook@公屋討論區