唱錢｜黃淑蔓綜合成績93.8%成功挑戰超級Monster！24歲超強音樂履歷起底

文: 羅志宏

3小時前

TVB互動音樂遊戲節目《唱錢》昨晚（9日）嘉賓黃淑蔓（Feanna），成功打低超級Monster歌曲《I Will Always Love You》，令三位主持勁興奮瘋狂尖叫兼極速衝上台，當中森美除興奮至熊抱Eric Kowk、更一度因嗌得過激見暈跌埋落地：「我嗌到見暈」，場面興奮又經典。

黃淑蔓綜合成績93.8%成功挑戰超級Monster歌曲《I Will Always Love You》

在Feanna正式接受挑戰前，EK揚言：「我係質疑過究竟有冇人可以成功搞掂呢隻歌呢？」，並封該首歌為「一隻本來以為冇乜人可以成功到嘅歌。」而Feanna挑戰前，亦坦言欠自信，皆因平時演唱「太有自己Version」。

點擊圖片放大

Eric Kwok大為驚艷：一隻本來以為冇乜人可以成功過關嘅歌

最終Feanna以綜合成績93.8%成功挑戰Monster，獲森美、Eric Kwok讚不絕口，森美：「原本諗住去到Chorus當你贏」、「高音位都仲唱得好舒服」、「啲轉音你全部背得到晒」、「我跌落地嗰吓唔係玩架，係嗌到暈咗」，Eric Kwok：「抵你贏，因為你熟讀晒啲音」、「你話畀我聽呢個世界原來有希望」。

點擊圖片放大

叫媽咪「快啲撳掣」爭獎金勁搞笑

大嗌好玩的Feanna事後坦言當望到系統內的Bar出現紅色時，會忍不住凝望及分心。為觀眾贏得HK$30,000現金獎的Feanna，還搞笑地叫媽咪「快啲撳掣」爭獎金，十分搞笑。

最好綜合成績高達97.2%

今次Feanna前8首歌曲挑戰成績為Level 1《希望》綜合成績：97.2%、Level 2 《戀愛預告》綜合成績：92.2%、Level 3《Chotto等等》綜合成績：94.5%、Level 4《依然》綜合成績：92.3%、Level 5《多啦A夢》綜合成績：95.3%、Level 6《愛是最大權利》綜合成績：94.6%、Level 7《忍》綜合成績：93.7%、Level 8《越難越愛》綜合成績：91.3%。首度出現在《唱錢》的《忍》，是林欣彤出名難唱的歌曲之一，但Feanna不但輕鬆過關，還唱出了感染力，令森美大感佩服：「你嗰種從容打低咗我哋系統。」

黃淑蔓遭洗版式激讚人靚聲甜

由於Feanna表現超卓，昨晚節目一播出即吸獲網民洗版式正評：「黐線，勁到」、「把聲靚到癲」、「人靚聲甜，真實力」、「真係好勁，又靚女」、「甜姐兒甜到漏，性格仲好鬼馬」、「睇到沉船到遇溺」、「佢嗰種靚好自然」、「呢個節目冇修音，完全係反映到歌手嘅真實水平，黃淑蔓真係新時代最好唱功嘅歌手之一」、「好彩佢上咗呢個節目，等多啲人認識佢」、「佢真係超勁，又夠氣，又準」。