AI時代未來實習生｜陳山聰哽咽睇6歲囝囝AI成長片段勁感觸 22歲Jaco撞樣金秀賢勁靚仔

為牛牛推草推到Ush Ush聲勁投入Cutie

由於Jaco實習過程表現認真又快上手，獲臨床獸醫導師Denise 給予9/10分：「作為六歲小朋友，佢認知記性都非常之好。」

而在實戰過程，Jaco在第一個任務「餵牛牛食草」展現了驚人的耐力及體力，雖然要拿起比自己高出一大截的膠鏟、還要不厭其煩地將牛糧（草）推送回牛牛面前，但推草推到Ush Ush聲（發力的聲音）的Jaco全程完全冇呻攰。

陳山聰囝囝Jaco獲臨床獸醫認證

不過Jaco的實戰並非一帆風順，皆因天生有少少潔癖的他，竟遇上兩大天敵「牛屎」及「蒼蠅」，嚇到他一度Hang機，最終要爸爸陳山聰「遠距離」打視像召回Jaco初心：「做咩唔夠膽呀？你自己話要嚟喎，話要學做獸醫架喎」、「冇事架，放心吖」，短短一、兩句已成功令Jaco重燃鬥志重投工作，果然厲害！

在監察室看到囝囝極速重燃熱誠，山聰忍不住流露驕傲笑容的同時，亦感嘆作為家長，適當的「鞭策」及「指引」對小朋友是必須的：「冇人Guide佢嘅話，佢咪永遠就放棄咯。」說到做到的山聰，與Jaco「重逢」後不忘繼續半氹半教，並以了解囝囝想法為大前提，絕對好爸爸：「你驚咩？」Jaco：「驚烏蠅。」山聰：「咁細隻都驚，有冇搞錯呀你？」、「你將來做獸醫唔可以驚屎架。」

「22歲AI Jaco」撞樣金秀賢勁靚仔

節目尾聲，製作組與上集一樣，預備了「20年後的Jaco是怎麼樣」AI生成片送給山聰及Jaco，片段中除了長大後有點「金秀賢」的Jaco相當吸睛，年若70歲的「AI山聰」撞樣袁文傑亦十分搞笑。

看到AI片中的爸爸滿面皺紋兼一頭白髮，Jaco突然感觸吐出一句「你老咗」，山聰聞言即笑謂：「梗係老啦，我嗰時已經係七十歲喇」。

看兒子AI成長片段勁感觸 

被囝囝成長片段深深感動的山聰，看完片與囝囝深情對望之餘，還忍不住大嗌好正：「搞喊我呀，大佬！」、「最後你哋送畀我嘅禮物，見到佢哋嘅將來，自己都好感動」，並邊淚落邊感嘆會為囝囝繼續堅持和努力：「真心依家養一個小朋友真係唔容易，我今年踏入50歲，我希望佢大個可以好，所以我唔會放棄任何一個（工作）機會。」

陳山聰感性哽咽承諾會為Jaco努力

陳山聰一邊哽咽、一邊將Jaco擁入懷中兼送吻，疼錫囝囝之情盡在不言中，難怪Jaco會咁黐佢啦。