香港探秘地圖丨丁子朗矇眼O嘴做腳底按摩被寸腎虧！喜劇細胞爆發曾模仿周星馳獲正評

丁子朗龔嘉欣腳底按摩爆笑

俊熙與智賢的韓系悲情故事夠晒催淚，但龔嘉欣與丁子朗（丁丁）到泰國按摩店一幕，為傷痛劇情帶來緩和作用，更成為昨晚一集最爆笑位！雖然按摩場口只得約分半鐘，但嘉欣與丁丁的超痛反應，盡顯喜劇細胞！當嘉欣被按肝臟穴位影射區時痛到大嗌，按摩師直指嘉欣：「你肯定成日捱夜，小心爆肝！」丁丁隨即搭訕：「係呀係呀，佢成日唔瞓覺……」

+2

點擊圖片放大

+2

點擊圖片放大

丁子朗被寸腎虧 面容扭曲死頂唔嗌痛

 不過話口未完，丁丁被腳踭穴位時痛到面容扭曲，又戚眉又擘大眼兼O嘴，名副其實「痛到阿媽都唔認得」！按摩師說：「腳踭對應生殖系統，呢個位痛呢，即係虧囉！」雖然丁丁痛不欲生，但由於要在嘉欣面前逞強，死頂不肯大嗌，更說：「頂得順，大力啲添啦！」最後按摩技師加力度，丁丁終於頂唔順大叫出來，按摩技師指着他說：「肯定係虧啦！」

+2

點擊圖片放大

曾模仿周星馳獲正評

有網民讚丁丁不止有外形，亦有實力：「丁子朗演技其實好好！」其實早於2020播映的《堅離地愛堅離地》，丁丁的喜劇天分已初露鋒芒。之後丁丁在首次孭飛的《青春不要臉》飾演主角齊輕舟，該角色的背景與奮鬥經歷，正是向喜劇泰斗周星馳致敬，丁丁曾模仿星爺在《430穿梭機》呃細路的情境，又還原《國產凌凌漆》及《他來自江湖》等經典造型，令觀眾大感驚喜，當時獲得不少正評。