中年好聲音4｜17年前結緣！周志康眼濕濕感謝鄭子誠 「佢陪我經歷最攰嘅Moment」
《中年好聲音4》本周日晚8點翡翠台播映「經典情歌之夜」下半場，邀得著名DJ陳海琪作「聲音導航」，「知音人」則是「音樂情人」鄭子誠與太太劉倩怡。由上季的「聲音導航」變身「知音人」的鄭子誠坦言，兩季最大的分別是更上一層樓：「參賽者水平再去到另外一個層次，唔係睇緊歌唱比賽，而係睇緊佢哋個人嘅Performance。」
「經典情歌之夜」下半場歌單曝光
「經典情歌之夜」下半場歌單如下：鄭家聲《明知故犯》（原唱許美靜）、周志康《認錯》（原唱優客李林）、卓猷燕《容易受傷的女人》（原唱王菲）、蔡宓婕《值得》（原唱鄭秀文）、可嵐《夜機》（原唱陳慧嫻）、許雲妮《你怎麼捨得我難過》（原唱黃品源）、尹景順《情深緣淺》（原唱黃凱芹）、科亞高巴《夢醒時分》（原唱陳淑樺）。
陳潔靈《超級巨聲》相隔17年再評周志康：進步咗好多
周志康2009年參加《超級巨聲》入行，當時其中一位評審正是陳潔靈，17年後兩人再度在比賽中相遇。志康選唱難度極高的《認錯》，獲張佳添讚演出穩定，陳潔靈則指志康現在比《超級巨聲》時進步很大。
周志康眼濕濕感謝鄭子誠：佢陪我經歷最攰嘅Moment
而鄭子誠表示看着志康入行，見到志康經常通宵綵排或錄影《超級巨聲》：「基本上佢瞓都唔夠瞓，佢趁住埋位時間戴住個Headphones，我初頭以為佢黐咗線，口噏噏佢噏咩呢？原來佢練緊歌。」鄭子誠看出志康對音樂的執着、熱誠和認真，衷心祝福對方的音樂路更上一層樓。
主持車婉婉表示鄭子誠專程到場為志康打氣，志康感動得眼泛淚光，哽咽說：「佢係陪我經歷咗最攰嘅Moment，喺我最攰、願意同我打氣、最真誠嘅人就係佢，好多謝鄭子誠先生。」
港生活人氣娛樂新聞
國際知名魔術師甄澤權首個個人紅館魔術騷
↓"與全場觀眾變魔術🪄近距離感受魔法 "↓
↓【限時搶⚡】Capybara PIMOO CAPY豚長春日Chill Cute禮品↓
↓豚長Chill歎摺疊傘｜豚長閉目養神頸枕↓
搵好去處