結業潮｜荃灣食品超市本灣水產結業！主打即買即煮海鮮 開業6年清空拉閘！網民分析4大死因：被呢間舖狙擊
結業｜結業潮｜荃灣｜荃錦中心｜近年本地消費市道大洗牌，連背靠大集團的連鎖超市都難逃一劫！日前有街坊大爆位於荃錦中心、主打鮮活水產的「本灣水產」正式迎來最後一天營業！店內貨架一晚之間被全部清空，宣告正式結業。 這間分店開業約6年，當初進駐時以「主打海鮮、即買即煮」美食廣場一條龍概念成功打響名堂。隨着荃灣店結業，全港僅餘下2間分店。消息一出，隨即引來街坊瘋狂「食花生」，更毫不留情列出4大死因，直言大環境之下真係「一早預到」！
街坊直擊最後一日！貨架全清變空城
有網民在Facebook群組「全港店舖執笠結業消息 關注組」發文，指位於荃錦中心的本灣水產的最後一個營業日顯得相當唏噓。平日擺滿冷鮮食品、新鮮雜貨的藍色大貨架已經被「清零」。店內中央位置疊起大批紙箱，亦有凍櫃被圍起，明顯正進行大拆遷。
對於這間大型街坊超市無預警結業，雖然有部分街坊感到驚訝，表示「咁大竟然結業」，但更多人反而覺得係意料之內。
「唔好停」、「早走早着」？ 網民列4大致命傷
本灣水產隸屬於「建華集團」旗下，集團過去曾引起不少爭議。今次荃灣店結業，有網民分析列出該店難以維持的4大營運死因：
- 價錢偏貴
多位去過消費的網民指出，價錢問題絕對是最大致命傷。有網民直言：「至從去完一次，太貴佢哋嘢」；另一網民亦附和「呢間D嘢都係偏貴，純粹方便」，甚至簡單直接拋出一句：「D嘢唔平！」。似乎性價比太低令街坊逐漸放棄幫襯。 - 後期靈魂海鮮消失、定位模糊
主打即買即煮海鮮原本係最大賣點，但網民點出重點：「啲野唔吸引、早期有海鮮賣、難做……」，指出後期商品失去特色，核心靈魂海鮮區難以維持，變得同一般超市無異。 - 平價神店「好特賣」近距離狙擊
市場競爭大，有網民分析，本灣水產後期基本貨品價格「同百佳惠康差不多」，偏偏「同一個場又開埋Hotmax（好特賣）」。面對內地平價雜貨神店直接分流，網民坦言：「Hotmax都好多人買嘢」，令本灣水產更難生存。 - 美食廣場淪為「齋嘆冷氣聖地」
網民更舉一反三，提及品牌其他分店的通病。網有民踢爆：「慈雲山本灣水產個美食廣場，居民長期淨坐歎冷氣，多過幫襯店內買嘢食！」，其他網民亦認同。原本希望用熟食帶動超市消費，結果變成街坊長坐歎免費冷氣的地方，令美食廣場概念徹底崩潰。
▼網民真實留言▼
全港僅餘2間分店 網民熱議：另一間都離「執笠」不遠？
隨着荃灣中心店正式拉閘，全港剩啟德店及慈雲山店。不過睇到荃灣店的慘淡收場，有網民就悲觀預測：「咁慈雲山個間都離不遠了」。在北上消費與平價雜貨店的雙重夾擊下，呢類新概念超市似乎真係面臨極大考驗！
圖片及資料來源：FB@全港店舖執笠結業消息 關注組、FB@本灣水產
港生活人氣本地熱話
《U GO》x Shiro請您品嚐Weekend Brunch！
↓ 進駐中環大館主打現代日式料理嘅人氣餐廳 ↓
↓【狂賞著數祭🎁】研香糖水現金券 ↓
↓ 招牌8小時慢磨芝糊、創新甜品 ↓
搵好去處