港男求加快公屋上樓出「錯招」！報稱ＯＯ求醫即送精神科住足20日！網民爆笑：公屋唔係醫病嘅地方

特快上公屋？港男「扮自殺求醫」望加快上樓

有港人於Threads以「特快上公屋」為題發帖分享，指朋友疑為盡快申請公屋及獲得社工跟進，選擇向政府門診醫生表示有自殺念頭，聲稱「好想死」，希望引起關注及加快上樓安排。

樓主表示，該名朋友原本計劃透過相關紀錄獲取同情及「特快上樓」機會。不過事態發展出乎意料，醫生接獲求診內容後，即時啟動精神科跟進機制，安排精神科醫護人員接走病人，並直接送往九龍醫院精神科病房留醫。

扮慘變真入院 港男「玩大咗」留醫20多日

事後，該名朋友入院後被安排留醫，期間無法自由出院，需接受精神科觀察及治療，這時才意識到事件嚴重性，直言「玩大咗」，並開始多次向醫護人員表示希望出院。期間有社工介入跟進個案，朋友更表示自己因遭包租婆迫遷而情緒崩潰，甚至影響到有自殺念頭，希望獲協助申請特快公屋。

網民爆笑：即刻有地方住仲又唔使交租

事件引起網民熱烈討論，不少人直言相關做法早已難以成功，「10年前已經講緊唔係癌症等重病都唔夠資格恩恤安置」、「住20日就攞屋，有無可能吖」。亦有留言提到「攞到白卡就係，攞唔到有乜用」，又指出現時精神科評估門檻並不低，且房屋署亦未必將精神病直接納入特快安排。

另有網民從醫護角度分析，認為當有人表達自殺念頭，醫生及社工必須按程序處理並介入治療，「公屋係住嘅地方唔係醫病嘅地方」，因此不可能單純因個案申請就加快上樓。亦有人直言，相關情況醫護早已見慣，「一哭二鬧三上吊嘅戲碼見得太多」。

網民留言

+5

+4

點擊圖片放大

網民追問細節 樓主稱有人一年成功上樓

網民其後留言表示：「精神科相關真係會，我都有朋友試過」，並追問「我想問你朋友無工返？」對事件細節提出質疑。樓主回覆指，表示有另一朋友正是因曾涉及精神科相關個案，「一年便上到樓」。他又補充，指當事人入院期間長達20多日未能工作，期間失去收入，更被僱主以曠工處理，當解釋請假原因後，僱主更形容其行為「戇居」。

來源：Threads