移民放棄Office筍工做倉務員？港人不解「有咩著數」惹議！網民揭3大原因：呢一點已經贏晒
不少港人移民英國、加拿大後，會改做倉務、零售等基層工作，引起不少人好奇。近日，有網民在連登發文，表示不明白為何有人願意放棄香港的Office工作，到海外做倉務員，質疑「有咩著數」。帖文隨即引發熱議，大批網民從工作文化、生活質素及子女教育等方面分析箇中原因，更直言：「無著數點會做，移民得實有佢地道理」。
移民後改做倉務員？港人不解：有咩著數？
日前，有網友在連登討論區以「點解有咁多香港人寧願做倉務員都要去移民？」為題發文，表示留意到不少港人原本在香港從事Office工作，移民加拿大或英國後卻改做倉務員，令他百思不得其解。
樓主認為，既然原本已有一份待遇不俗的辦公室工作，為何仍願意放棄，轉而到海外從事體力勞動工作，因此發文向其他網民請教：「見到好多人本身係香港有份office工，去左加拿大、英國就做左倉務員，移民有咩著數令佢地放棄香港份筍工，諗極都諗唔明」。
移民自然有原因？網民：唔係個個將工作睇咁大
帖文引起廣泛討論，不少人認為樓主過於著眼於工作本身，而忽略了生活其他層面，直言「唔係個個將工作睇到咁大」。亦有網民認為，移民人士就是看到的是樓主未有考慮的價值，留言表示：「香港人咁算死草，無著數嘅嘢點會做，移民得實有佢哋道理」、「問嚟都冇必要，你到今日都未明，有啲嘢係你呢世都唔會明」。
網民留言
- 其實問嚟都冇必要，你到今日都未明，有啲嘢係你呢世都唔會明
- 唔係個個將工作睇到咁大
- 因為佢哋睇到一啲你睇唔到嘅價值
- 香港人真係去到邊度都係，就算有錢都唔會坐食山崩
- 撈得掂既人點會咁容易俾地方限制？
- 香港人咁算死草，無著數既野點會做，移民得實有佢地道理
網民拆解3大原因 生活質素、子女教育成關鍵
亦有不少網民從不同角度分析，認為港人移民後即使轉做倉務員，背後亦有不同考量，包括工作文化、生活質素，以及子女教育與成長環境等因素。有留言指出，「倉務先係筍工，淨係對住啲貨，唔駛對啲西客」、「外國做倉都夠你住大屋，揸歐洲車」，亦有人直言，「為咗下一代情願自己辛苦啲」、「仔女讀書教育已經無價」。
綜合網民留言，以下整理出港人移民海外的三大主要原因：
工作方面
有網民認為，海外職場文化與香港存在明顯差異，工作量相對較少、假期較多，工作與生活平衡亦較理想，「返工就返工，放工就放工」。部分人更認為，倉務工作毋須應付客戶及複雜人事關係，反而更輕鬆。另外，亦有人指出，不少移民人士本身並非單純為收入而工作，而是退休後希望找工作消磨時間、認識朋友及補貼生活，因此對工種並不太介意。
生活方面
至於生活方面，不少網民認為，海外最低工資及生活質素較具吸引力，即使從事基層工作，仍有能力負擔較大的居住空間及汽車開支。有留言表示，在英國做倉務已足以負擔大屋及私家車，加上「外國收工就收工，私人時間興趣、識朋友」，與香港長工時、居住空間有限形成鮮明對比。
子女方面
除了工作及生活因素外，不少網民認為子女教育才是移民的重要考慮，指出海外教育制度及成長環境較適合小朋友發展，生活壓力亦較香港低。雖然課外活動未必如香港豐富，但整體教育成本相對較低，加上居住環境較寬敞，不少家庭願意由父母承擔較辛苦的工作，換取下一代更理想的成長環境，認為相關回報已遠超放棄香港一份Office工作的代價。
來源：連登討論區
港生活人氣本地熱話
↓【免費🎁】零食世界2026電子門票🍭 ↓
↓ 同一門票可入埋「香港書展」及「香港運動消閒博覽」↓
↓【限時搶⚡】黑白®85周年限定迷你積木↓
↓3款限定精品↓
U GO 本週好去處
