香港Salon洗濕個頭逼呆等？港人力數2個伏位 灰爆轉投日本韓國剪頭髮

預約形同虛設？「洗濕個頭」呆等成港人最大噩夢

過往，有人曾在本地討論區以「其實Salon個預約時間係咪冇意思？次次去到比人洗濕個頭就呆等」為題發文，向一眾網民大吐苦水，隨即引起不少港人共鳴。不少網民對本地髮型屋最不滿的，便是預約時間形同虛設。明明一早預約好時間，但到場後往往會先被安排去「洗濕個頭」，然後就直接被安排在座位上無了期等待，之後再輪候吹頭、剪髮，全程真正剪髮的時間極短，大部分時間都在等，更稱要遇到好的髮型屋是可遇不可求。有網民大嘆這招是「等你洗濕個頭，等唔到要走都要畀錢」，更有人分享超誇張的呆等經歷 ，「試過坐到個頭自己乾咗！」、「濕住頭等咗成個鐘，冷氣又凍，之後仲頭痛埋。」

• 等你洗濕個頭，等唔到要走都要比錢
• 試過坐到個頭自己乾左
• 我試過等洗頭都等咗兩個鐘
• 熟先慢慢做野...呀，我有個頭剪緊，坐多陣
• 濕住頭等咗成個鐘，之後頭痛
• 越收越貴 預約又要等一個鐘以前試過攪2-3個鐘，直頭係浪費緊生命
• Barbershop真係好好多預左係果個時間就剪唔會要等，或者要去貴Salon人手夠多洗頭位夠多先做到唔洗等

+3

+2

點擊圖片放大

不過，有網民解釋「香港生意難做，髮型師一個時段接幾個客。外國整好多時候都係髮型師由洗到最後一腳踢，中途冇換過人，成個鐘頭淨係服侍你一個，前邊個客唔遲到就可以準時做你」，亦有人指「剪出黎啱唔啱水真係睇你同髮型師夾唔夾，但至少服務係有眼睇」。

怕尷尬「唔敢出聲」日本專家拆解洗頭潛規則

不少網民分享最怕無盡的等待外，另一個最常遇到的問題，便是洗頭時的心理戰。即使覺得水溫太熱、力度太重，或頭皮過分痕癢，很多人會怕麻煩或尷尬，選擇咬實牙關默默死忍。

不過，早前有日本資深髮型師接受日媒訪問時拆解過這個「洗頭潛規則」。髮型師經常問客人「有沒有哪裡特別痕癢？」原來不只是客套說話，更是為了解客人會否有任何不適反應，例如會否對洗頭水或護髮產品敏感，甚至藉此打開話題，讓客人能提出調整水溫或力度的要求。從專業角度來看，客人誠實反映洗頭時的舒適度，其實是保障自己頭皮健康和提升服務質素的重要一步。

點擊圖片放大

有人灰爆轉投日韓髮型屋 大讚「返唔到轉頭」

不過，有網民分享因過往的本地體驗太差，現時會選擇到日本或韓國旅行時，順便預留時間剪頭髮。有過來人大讚日本髮型屋的服務質素，指「試過日本剪翻唔到轉頭」，更分享有3大原因促使自己轉陣：

• 坐「自動凳」直接送去洗頭，完全不用自己行。
• 剪髮包埋修眉和按頭，髮型師雙手更絕對不會有煙味。
• 步驟多，但動作超級快手，絕對不會要求客人無了期呆等。

點擊圖片放大

資料來源：連登討論區