李璨琛大女Lucy考第一獎勵漂頭髮染粉毛！育兒手法再惹兩極爭議︰不負責任
男藝人李璨琛與老婆梁志瑩（Sophia）育有兩名女兒，而8歲大女李元元（Lucy）憑鬼馬可愛的性格深受網民喜愛，成為人氣極高的星二代 KOL。不過，近日梁志瑩的育兒方式再次惹來爭議，日前Lucy媽媽就晒出李元元成績彪炳的獎勵，竟然是帶囡囡漂染頭髮，舉動馬上引起網民兩極熱討！
李元元Lucy考第一獎勵漂頭髮染粉毛
梁志瑩日前在IG發文，指Lucy不單成績彪炳考獲全班第一，鋼琴演出時亦表演出色，因此決定實現大女一直想染頭髮的願望，帶Lucy到髮型屋漂染頭髮作為獎勵，直言「真係冇理由唔獎勵你，今個暑假俾你染返個靚頭威盡個暑假啦！」。
片中可見，Lucy雀躍地座在髮型屋的椅子上，不時對鏡頭展露興奮又得意的笑容，更乖乖坐足4小時任由髮型師進行挑染、漂染和上色，最後Lucy將耳邊的頭髮漂成淡粉色，整個人更加精神可愛，Lucy亦滿意地向鏡頭擺出不同姿勢，相信非常喜愛是次造型。
育兒手法再惹兩極爭議︰不負責任
雖然不少網民為Lucy得到獎勵感到高興，亦大讚Lucy的新造型與其非常合襯，指「睇到我都想染～」、「好型喎」、「睇到第18張圖片真係好靚」、「呢隻粉紅色實在太靚」、「Lulu 又潮又型」、「乜依家啲小學生可以咁型嘅？」、「真係唔錯」、「港版lisa」和「媽咪好波」。
不過，有網民就質疑染髮的化學物質會對年紀尚幼的Lucy造成損害，擔心會影響Lucy的頭皮健康，加上開學前Lucy需要再將頭髮回復原狀，有可能令髮質再度受損，認為獎勵得不償失，指「返學要染返黑佢喎」、「咁細個都係唔好漂啦」和「其實漂染真係好傷頭髮，何況係小朋友...」。
來源︰IG@lucy.is.good
港生活人氣娛樂新聞
↓【✨ Chill賞親子放電祭🏖️】↓
>各種驚喜禮遇等您發掘🌟<
↓【限時搶⚡】莓果櫻花味軟糖↓
↓柔軟Q彈、補充營養↓
U GO 本週好去處
