公屋港人連續3年$0水費疑壞水錶！網民質疑零紀錄 憂影響住公屋資格！水務署咁講...

連續3年無交過水費 公屋戶曬帳單：正常嗎？

近日有港人於Facebook群組「公屋討論區」發帖，向網民詢問：「3年無交過水費正常嗎？」並附上一張水費單，希望了解自己的情況是否罕見。

點擊圖片放大

從樓主上載的帳單可見，水費單於2026年8月3日發出，今期應繳金額為$0，而帳單亦顯示，上一次繳款日期為2023年7月25日，當時僅繳交$65。換言之，樓主在過去約3年間均毋須繳交水費，因此令他感到疑惑，遂發文向其他網民請教。

網民質疑水錶出現故障：最好檢查一下

帖文曝光後，不少網民對樓主3年未曾繳交水費感到驚訝，紛紛表示：「點解咁多人都唔使交水費嘅？」有人認為，即使日常只沖涼、煲水及洗衣，理應仍會產生一定水費，因此懷疑是否與水錶有關。亦有網民建議樓主檢查水錶，「自己抄下錶穩陣啲」、「水務處應該會檢查水錶有冇壞」、「水錶壞咗？」更猜測是否涉及其他原因，例如接駁錯水錶或使用鹹水系統等。

網民留言

• 點解咁多人都唔使交水費嘅
• 每日沖個涼，煲水，洗下衫，點都會有少少嫁
• 當你唔煮食，沖涼都唔計水費？
• 自己抄下錶穩陣啲
• 水務處應該會檢查水錶有冇壞
• 有冇可能接到鹹水，有過案例，整棟水費異常
• 佢係咪駁左去人地隻錶度

3年零水費會影響公屋資格？

除了討論水費問題外，亦有網民將焦點放在公屋居住情況，認為若長時間沒有水費紀錄，或會令人懷疑單位是否一直無人居住，直言「收返你間屋就好笑」、「證明你公屋冇人住」。亦有網民分享親身經歷，表示曾因一段時間未收到水費單而感到奇怪，其後房屋署更曾上門了解住戶是否一直居於單位，可見相關情況或會引起部門關注。

網民留言

+3

+2

點擊圖片放大

網民解釋免費用水安排：唔使交係正常

不過，亦有不少網民指出，樓主的情況未必異常，皆因住宅用戶設有免費用水額度，只要用水量未超出限額，便毋須繳交水費，「每季首12立方米水係免費嘅」、「未達免費水量咪唔使交囉，好正常」。

亦有人指出，若只有一至兩人居住，而且甚少煮食、沒有洗衣機，甚至習慣在公司、球場洗澡，用水量自然較低，「1個人住又慳唔出奇」、「有乜出奇？沖涼，煲水用得幾多水」、「好多單身都好少用水，見唔少沖涼都在公司或球場沖」。不少網民亦分享自身經歷：「一個人住20幾年都冇收過水費單」、「我都係，三年冇交水費」、「一人住少煮食、冇洗衣機，近十年都唔使交水費」。

網民分享

+5

+4

點擊圖片放大

水費及排污費點計？每4個月首12立方米用水免費

根據水務署資料，住宅用戶一般每4個月發出一次水費單，並按實際用水量採用分級收費。首12立方米（12,000公升）用水屬免費額度，因此毋須繳交水費；其後31立方米每立方米收費$4.16，再之後19立方米每立方米收費$6.45，超過62立方米的用水量則按每立方米$9.05收費。

至於排污費方面，同樣設有首12立方米免費額度，其後按每立方米2.92元收費。因此，若住戶每4個月用水量未超過12立方米，水費及排污費均毋須繳交，單身住戶或用水量較低的家庭，確實有機會長期收到「0元水費單」。

來源：Facebook@公屋討論區、水務署