10大最冇禮貌藝人名單被瘋傳！網民揭發明星真面目 一致數臭呢位係無品天花板？
有網民在Threads平台召集網民分享生活當中遇到友善明星的經歷，引來不少人留言分享自己親身經驗揭發明星真面目，當中許多意想不到的知名藝人都被網民「點名」，除了鄧麗欣、薛凱琪和鍾嘉欣外，網民們更一致數臭呢一位為「無品天花板」，引起熱烈討論！
10大最冇禮貌藝人名單｜鄧麗欣
奪得「2025年叱咤樂壇我最喜愛的女歌手」的鄧麗欣，曾被網民批評嫌棄粉絲，有網民亦分享自己曾在Cookie時期在街上遇到鄧麗欣，形容她黑口黑面，直言「好差、對眼生喺額頭度 」，令該名網民對鄧麗欣的印象大扣分，不知現時有沒有改善。
原文︰
「Stephy 鄧麗欣好差、對眼生喺額頭度 、西面 當時係4餅時期 唔知而家大個咗有冇改善」
10大最冇禮貌藝人名單｜馬德鐘
TVB視帝馬德鐘亦被網民爆料，該名網民指曾在坑口一間超市遇到馬德鐘，表示其當時正站在壽司區中央面向行人聽電話，令路人無法暢通經過或挑選壽司，直言「明星難道不阻街嗎？」，亦有網民補充曾在電話與馬德鐘接觸，一度形容其「好冇禮貌 」。
原文︰
「馬德鍾 - 10幾年前係坑口taste 壽司區見到佢講緊電話，都唔明佢明明有電話講緊又唔行埋一邊，係都要企正係壽司區中間面向大家講電話。明星難道不阻街嗎？」
10大最冇禮貌藝人名單｜薛凱琪
有網民分享曾在一場宴會中遇到薛凱琪，指當日同場的明星還有舒淇和湯唯，該名網民稱當時自己與同事正等待舒淇完成通話後合照，等待期間薛凱琪竟故意換位置到舒淇身旁，特意阻隔該名網民與舒淇合照。
原文︰
「薛凱琪，有次有個同場嘅宴會，佢嗰台有舒淇、湯唯，我同同事想搵舒淇影相，但佢傾緊電話，所以我哋企喺側邊等機會，薛凱琪見到，特登換位坐喺舒淇隔離，隔住我哋。」
10大最冇禮貌藝人名單｜鄭俊弘
前TVB藝人鄭俊弘亦被網民爆料，指曾在鄭俊弘參加《星夢傳奇》前在街上偶遇對方，當時該名網民認出鄭俊弘，隨即上前和其打招呼，怎料鄭俊弘竟黑面離開，沒有回應該名網民，更擺出不可一世的態度。
原文︰
「鄭俊宏（弘） 當時佢參加巨星都仲未選出黎 已經不可一世！！ 同佢Say hi由笑容滿面黑口黑面走左🙄🙄」
10大最冇禮貌藝人名單｜鍾嘉欣
有網民分享在街上偶遇鍾嘉欣的經歷，指當時鍾嘉欣黑口黑面，表現得非常不友善，與鏡頭前友善甜美的模樣形成強烈對比，形容她「人前人後兩個樣」，亦有網民指曾聽幕後工作人員朋友形容鍾嘉欣「綠茶」。
原文︰
「有位叫嘉欣嘅大台明星，選美冠軍，鏡頭前好nice好甜美咁，撞過佢，黑晒面，好唔友善，人前人後兩個樣」
「佢當紅嗰陣我聽過幾位唔同界別嘅幕後人員都話佢好X, 仲話佢喺某套電視劇根本就係"本色演出"」
10大最冇禮貌藝人名單｜溫碧霞
溫碧霞亦被網民爆料，有網民稱溫碧霞曾到自己工作的場方拍戲，指其等待開始拍攝時不斷弄亂自己的頭髮，被工作人員阻止時，溫碧霞一度用嫌棄的眼神上下打量該名工作人員，更轉身背對眾人，大牌舉動令該名網民非常無奈。
原文︰
「溫碧霞喺我做嘢地方拍戲，佢等緊埋位搞住把頭髮N咁多次，我阿叔同事叫佢一聲，佢眼神勁為嫌棄將阿叔同事由上至下掃一次，然後背住我哋坐 」
10大最冇禮貌藝人名單｜容祖兒
「樂壇天后」容祖兒亦榜上有名，有網民憶述曾在街上遇到容祖兒，有別於容祖兒一直在螢幕前給人的傻大姐真性情感覺，現實中的她竟然十分沒有禮貌，形容對方「對眼生係額頭」，感到非常失望。
原文︰
「容祖兒 串到XX 一啲都唔係螢幕上傻大姐真性情嗰種 係臭串無禮貌 對眼生係額頭🙄🙄🙄」
10大最冇禮貌藝人名單｜陳小春
一位網民稱自己在一間餐廳工作時遇到陳小春，正有意向春哥打招呼時，指陳小春只看了自己一眼，面無表情地走開，直言「個樣超級串」，形容對方為「無禮貌嘅天花板」；亦有人附和該名網民，指一眾街坊正排隊看醫生時，陳小春和其助手竟直接走到最前「打尖」，非常無禮貌。
原文︰
「陳小春真係無禮貌嘅天花板 當年我做餐廳 佢入泥食飯 見到佢 諗住叫聲佢春哥打個招呼 佢望一眼 無任何表情跟住行開左 個樣超級串」
「同意！ 有次去睇醫生大家排隊等𨋢 佢同助手一野行去最前面以為自己係VIP咁 個樣勁串」
10大最冇禮貌藝人名單｜張繼聰
張繼聰亦獲網民提名，有網民指在街上遇到張繼聰和謝安琪，於是鼓起勇氣詢問兩人可否合照，怎料張繼聰竟全程黑口黑面，只有謝安琪表現親切友善，該名網民事後亦刪除合照，認為自己不受尊重，沒必要留戀。
原文︰
「張繼聰黑口黑面,第一次鼓起勇氣問啲藝人可唔可以影張相,原本係想同佢老婆影,點知佢鞋口鞋面,佢老婆就nice啲 ,影完睇返都delete 咗佢問自己做乜咁冇尊嚴」
10大最冇禮貌藝人名單｜李思捷
有網民指在做店員時巧遇李思捷，不單要求店員幫忙拿貨時不會說「唔該」，出車離開時更一度與助手在停車場門口慢慢打開車尾箱放東西，令後方的車輛無法離開外，行人亦無法通過，直言李思捷是「最無禮貌嘅嗰位」。
原文︰
「如果李思捷都叫明星 咁佢係最無禮貌嘅嗰位 以前做sales 佢會叫人拎貨 但唔會講唔該 係觀塘撞正佢出車 佢同助手係路面慢慢放嘢開車尾箱 但架車會塞正大廈停車場門口 左右來往路人過唔到 其他車又畀佢擋係後面嗰種我service 過杜汶澤、發哥 、衛蘭衛詩、張汶慈、郭藹明、關詠荷等等，全部都好nice除咗上面呢位李先生」
來源︰Threads
港生活人氣娛樂新聞
↓【限時搶⚡】高露潔光感白高純度維他命C美白牙膏↓
↓ 早C晚C！7天提亮、淡色美白 ↓
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
