港男應徵外勞宿舍助理以為坐Office！入職慘變「外勤兵」 意外揭外勞住宿待遇：佢哋住得好過我

港男應徵外勞宿舍助理 入職即發現「唔係Office工」

該名港男於Threads發文表示，約兩個月前打算轉換工作，偶然找到一份外勞宿舍「Office Assistant（辦公室助理）」職位。面試後，他很快獲通知可以上班，當時更覺得「咁快請咁正」，以為能在辦公室內處理行政工作。

正式入職後，樓主才發現工作內容與面試時理解有所不同，他透露：「冇一日係喺Office做嘢」，每日工作主要在外奔走，包括到不同宿舍補充生活物資，亦需要處理各類雜務。

辦公室助理變步兵？打風落雨仍需出勤

樓主表示，入職第一天已被安排外出，到油尖旺一帶外勞宿舍補充洗衣粉等用品，初時仍覺得工作尚算輕鬆。不過，隨著工作深入，樓主才發現「愈做愈唔對路」。根據他分享的工作安排，日常除了補充廁紙、沐浴露、洗衣粉、洗潔精等生活用品外，亦要協助處理宿舍設施問題，例如跟進冷氣維修等雜務。他更透露，近兩星期更遇上打風落雨天氣，仍需外出工作，「每日都係日曬雨淋」。

屯門買物資搬入龍鼓灘 港男呻老闆拒安排交通

樓主分享，最令他印象深刻的一次，是在屯門購買大量紙巾、洗衣粉等物資後，需要獨自搬運到龍鼓灘村屋宿舍。他表示，當時曾考慮召的士協助運送，但老闆沒有理會，「話想call的士，個老細彩你都傻，勁刻薄」，最後只能自行搬運大量物資。

點擊圖片放大

意外了解外勞住宿環境　感嘆「住得仲好過我哋」

雖然工作經歷與預期不同，但樓主表示，入職後亦意外了解到外勞住宿安排。他指，部分外勞每月只需支付數百元住宿費，並包括水電煤及生活物資供應，宿舍如有損壞亦有人跟進處理。他又指，有些宿舍甚至由花園住宅改建而成，居住環境比想像中理想，直言「住得仲好過我哋」，更笑稱「難怪啲外勞愈嚟愈多，搞到我都想做外勞」。

網民羨慕外勞住宿待遇

帖文引起大批網民討論，不少人對外勞住宿環境感到意外，甚至認為部分待遇比本地基層更理想。更有網民留言表示：「正常係請外勞返嚟協助香港人，而家反而要香港人掉返轉去服侍佢哋」。亦有人對外勞宿舍環境表示羨慕，留言稱：「佢哋真係住得好過我」、「外勞生活仲好過香港人」、「睇落舒服過好多劏房」。

網友留言

• 請外勞返黎協助香港人，而家反而要掉返轉去服侍佢地
• 外勞生活仲好個香港人
• 做外勞有宿舍住咁好
• 佢哋真係住得好過我
• 真係住得好好

外勞宿舍配套完善？網民分享身邊例子

亦有網民分享自己接觸外勞宿舍的經歷，表示部分外勞居住環境及維修安排相當完善，「我公司個外勞住第一城，上次壞冷氣即刻買同裝」。不過，亦有人提醒樓主要留意工作安排，擔心公司日後會增加職責：「學完裝修就好走啦，唔係你要做埋裝修」、「老細想你同佢一齊做埋裝修？真心癲。」

網友留言

+5

+4

點擊圖片放大

樓主留言回覆：已準備離職

面對網民關注老闆安排裝修課程一事，樓主其後回覆表示「唔學啦，已經準備走」，強調自己並沒有打算學習相關技能，並透露目前已準備離開該份工作。

來源：Threads