北上睇牙中伏｜港女深圳$2,000杜牙根驚覺被騙 覆診3次照CT驚揭神經未杜清！
北上睇牙隨時踩雷？曾有網民在Facebook群組發文，分享自己前往深圳北上睇牙的驚險經歷。事主指當時聽信網上推介，前往深圳一間知名牙醫診所進行杜牙根療程，前後覆診3次並支付了$2,000費用，不料其後前往另一間診所照CT檢查時，竟被告知「根本沒有杜清神經」，質疑遭原診所欺詐，事件隨即引發熱烈討論。有網民奉勸看牙應選擇香港有信譽的診所，事主則無奈吐露心聲直呼「怪我實在太窮」。
過往曾有網民於Facebook群組發文分享，自己當時於網上得悉不少人推介深圳一間牙醫診所麥X，於是預約去杜牙根。「杜咗3次後佢又話我隻大牙要拔，每次去比佢地整見佢地同事之間不斷傾計，又整好耐」，及後她逛商場時發現另一間牙科診所，便預約這間去拔智慧齒，豈料有大發現。
「佢地幫我照咗張片（CT），竟然發現麥X根本上冇同我杜根，上星期麥X仲同我講已經差唔多完成，根本上係騙人，麥X約咗我9月頭上去比佢睇隻大牙點，有冇壞，上次又話壞要拔，咁一開始就應該拔，點解收咗我2000蚊杜牙費用」，她更建議網友們整牙之前考慮清楚。
事件當時引來大批網民留言討論，有網民認為已經完成3次治療，沒有理由無杜到牙根。事主形容「第一次聽到用鑽聲，第二次有見到佢用好長既針係咁撩，第三次好似換咗啲藥」，另外「隻大牙側比橫生智齒撞穿好深同有個大窿」。但當時大牙確實沒有感覺痛楚，然而於新診所檢查及以CT分析後，發現「未杜清哂神經」。
▼網民留言▼
有網民就指出，杜牙根$2000雖然未算便宜，但認為「如果你隻牙不是全部受感染或壞死，就可能唔洗杜曬全部牙根」，亦有可能「你隻牙被智慧齒頂住，好難杜牙根，所以佢地先想同你拔咗隻智慧齒先」。不過有網民認為「樹大有枯枝，要找有好信譽的牙科診所」、「覺得整牙都係係香港做好啲，有事可以投訴同跟進」，獲樓主回覆指「怪我實在太窮」，直言都想在香港治療，惟香港政府牙醫服務不足，加上牙痛十多日「痛不欲生」，只好前往內地處理。
▼網民留言▼
根據香港衞生署，牙髓治療/根管治療（杜牙根）是指把部分或全部受感染或壞死的牙髓組織清除，然後把牙髓填封，其目的是清除牙髓腔的細菌，阻止牙髓感染蔓延至牙周組織和牙槽骨，以免這些組織受破壞，使牙齒得以保存。大家有需要最好還是事先詢問牙醫的專業意見！
資料及圖片來源：FB@深圳大灣區吃喝玩樂開心分享區、小紅書
港生活人氣本地熱話
【U GO x CHARGESPOT 夏日消暑企劃⚡】
> 打卡即送充電券！限量1000張🔋送完即止 <
《U GO》請您去【名偵探柯南TV動畫播放30週年紀念展】！
還原經典名場面📹＋30位角色同框📸＋原創限定感謝劇場🍿
U GO 本週好去處
