黃竹坑慘變美食沙漠！物價貴過中環？打工仔列3大痛苦慘況：熟食中心要$70

文: 梁雪盈

4小時前

【打工仔放飯／黃竹坑美食沙漠／Threads熱話】港島南區黃竹坑近年由昔日工業區轉型成商業區，雖然大型商場 THE SOUTHSIDE 落成進駐，但似乎未能改善黃竹坑「美食沙漠」的稱號！近日有在黃竹坑上班多年的打工仔在 Threads 上發文，慘呻該區物價離地到令人產生「物價認知障礙症」，商場食 Lunch 隨時貴過中環！帖文瞬間引爆全港打工仔共鳴，連環爆出熟食中心逼爆無冷氣、快餐都要等 15 分鐘的「放飯慘況」！即睇下文詳情。

價值觀崩塌！打工仔爆黃竹坑物價「離地過中環」

近日，有網民在Threads上發文稱，在黃竹坑上班幾年，感覺價值觀正在慢慢被「融化」，直言黃竹坑與外界簡直是「兩個平行時空」。不但指出午餐隨時貴過中環，「望住啲餐牌，個價錢總會令你懷疑自己係咪去咗咩高級商場，價值觀每一日都在崩塌嘅邊緣試探」，最慘是習慣了黃竹坑的「離地價」後，下班回到自己屋企樓下看到正常市價，居然會產生「嘩，咁平嘅咩？」的錯覺，無奈苦笑自己已產生「物價認知障礙症」、「究竟係呢度離地，定係我嘅銀包跟唔上時代？」

點擊圖片放大

網民留言：衰過觀塘、葵涌

帖文隨即引發黃竹坑上班族共鳴，有網民留言稱「好憎呢一區，個人感覺仲衰過觀塘、葵涌」、「去過一次黃竹坑見工，同自己講過千祈唔好入去返」。有同為黃竹坑上班的「苦主」就認同，稱「熟食中心同對面商場差唔多價錢」、「返黃竹坑只敢帶飯，又或工廈地下飯堂」，大呻食物選擇少、價錢奇貴，總結「返黃竹坑工作，人如其名，坑」！

+10

點擊圖片放大

買 M 記要 $84.5？打工仔列黃竹坑 3 大搵食痛苦慘況

除了物價高昂，也有另一名打工仔怒轟在黃竹坑「食飯做狗咁」，列出在該區午膳的種種困境：

點擊圖片放大

1. 快餐貴兼等得久：有人分享自己在黃竹坑 M 記（麥當勞）買包加飲品竟要 $84.5！更有網民指商場內的 M 記午市繁忙過 IFC 分店，閒閒地要等 15 分鐘以上。

2. 熟食中心熱爆趕客：有人指熟食中心一餐要 $48 至 $70，但環境狹窄、冇冷氣又焗又臭，遇到落雨還會撇雨；甚至有餐廳阿姐「未食完就搶著收碟交檯」，體驗極差。

3. 工廈飯堂難日日食：工廈飯堂雖然 $50 至 $60 有交易，但味道及選擇有限，打工仔坦言「無可能日日食」。

雖然有其他網民建議可搭車「遠征」到香港仔中心食飯，但黃竹坑打工仔就無奈回覆「一來一回搭得車嚟，無得抖抖」。

▼Threads原文▼

圖片來源：Threads@miffyvip、Wikipedia@邵成鑫1007、Facebook@香港仔之友

炒股炒到心態變異？網民列股民4大怪異金錢觀背後竟藏打工仔最強底氣

【股市怪象 / 炒股價值觀 / 被動收入 / 極簡股民 / 股票投資 / 固定收入】股市隨時數以百萬計的賬面跳動，正在不知不覺間重塑現代人的金錢觀念。近日有網民在社交平台發文，盤點長期參與股票交易者的「4大變異價值觀」，引發廣大股民強烈共鳴。不少人驚覺自己入市後生活習慣大變，甚至出現「落注幾十萬不肉赤，日常生活卻極度節儉」的強烈反差。不過，亦有心水清的網民指出，這種看似怪異的理財心態背後，其實隱藏著不少打工仔夢寐以求的生存底氣。