伯伯順豐寄「豆腐」難倒店員？事主神翻譯秒破案 網民大讚功力了得

伯伯要寄「豆腐」？店員一臉茫然事主秒懂

一名網民日前在其社交平台分享，指自己到順豐速遞櫃位寄件時，目擊排在前面一位伯伯與店員之間的一段對話。伯伯向店員表示「呢個豆腐啊」，店員一時反應不過來，只能回應「下？」伯伯再次重複「呢件豆腐啊」，店員依然滿頭問號。站在旁邊的事主卻瞬間會意：「我諗佢係話呢件到付。」

事主其後在留言區解釋，自己之所以能夠即時猜中，全因職業使然。表示：「做服務業見得多唔同既人，聽得多唔同既嘢估到」，並笑言這是「人手字幕」的功力。

網民大讚事主「翻譯」功力了得

帖文一出，隨即引來大批網民熱烈討論，不少人都被這段「豆腐」對話逗笑，並紛紛分享自己遇過的同類經歷。有網民大讚事主的「翻譯」功力了得，笑言「你又勁，咁都get到」。亦有從事服務業或以顧客身分的網民，回憶自己遇過的聽錯趣事。

更有人分享聽到的經典對話，稱曾經有客人問：「請問細佬喺邊，我搵唔到細佬？」當下事主大感不解，最後店員同事冷靜回應：「你想搵四樓係咪呀？呢度冇四樓！」實在令人哭笑不得！

網民分享「聽錯」經歷盤點

【餐廳】忍唔忍毛巾水 = 飲唔飲茅根水

【餐廳】今日有蚊咬 = 今日有炆鴨

【賣衫鋪】有冇生煎包？= 有冇雙肩包

【問路】架車係咪去「傳洋蔥」？

【問路】搭lift係咪可以落「地府」？

【超市】先生，食屎係邊度 = 錫紙係邊度

資料及圖片來源：Threads@eau_de_billy

餐廳侍應問「要唔要租借毛巾」食客滿頭問號 網民爆笑：原來係呢樣嘢

香港餐廳落單，遇上帶鄉音的阿姐，一句聽落似是而非的問題，隨時令人一頭霧水。近日就有網民分享一次落單經歷，因口音誤會鬧出笑話，意外引來大批網民接力分享自己的「聽錯」趣事。

+31

+30

點擊圖片放大