夫妻的博弈鄧智堅角色全解構：演黑化版飛爺造型多變 監製形容典型壞老闆

鄧智堅新劇《夫妻》演「黑化版飛爺」！監製形容是辦公室典型壞老闆

在《新聞女王》中憑「縮骨珍奶飛爺」深入民心的鄧智堅（堅爺），雖然 A 字膊兼勝利球迷、但不乏人情味一面；但去到《夫妻》，堅爺將完全黑化，根據劇集監製黃國輝（小龍）形容，堅爺今次飾演的老闆 KC，絕對可以「集萬千壞事於一身」形容，不但會分化同事、拉攏心腹、看風駛哩、唯利是圖，更會設計陷害下屬，是百分百傳統公司「壞事做盡」的典型壞人！

細節位勁有心思 拎公事包手勢都計過度過

向來為角色做足設計的堅爺，今次長揸的再不是「珍珠奶茶」，而是長期摸住酒杯底歎紅酒/威士忌，單是這個 Icon，已寓意了 KC 似乎是飛爺的「激烈版」。除了「手中 Drink」，堅爺今次角色在造型上亦相當多變兼有記憶點，搶眼配搭包括紅鞋子、牛仔短褲、吊帶褲、領巾、格仔粉紅西裝褸、以及不同款式名牌公事包！有眼利網民更盛讚，堅爺就連拎公事包的手勢都帶點「太監感」，完美呼應劇中「阿諛奉承擦鞋仔」人設，大讚堅爺細節位做到足。

+2

點擊圖片放大

造型多變又搶眼逆齡 Look 被指「飛爺變飛仔」 

話明堅爺，又點止造型設計咁簡單，觀乎過去四集，堅爺無論眉頭眼額都鑿住「陰濕」及「心機」四個字，難怪網民看得極為過癮，更封堅爺為「人肉衣架」：「穿著太讚還有壞壞小眼神」、「每次領巾跟襪子配色」、「紅鞋無得頂搶眼」、「呢部戲嘅 look 好好睇」、「穿搭給滿分」

親揭新劇造型多元全因要「擺脫飛爺」

談到新劇造型多變，堅爺曾於受訪時透露全因想「擺脫飛爺」：「因為唔想太有飛爺嘅感，（同）鍾澍佳總監傾咗呢個造型出嚟，係比較光鮮啲、Colorful 啲，同埋做廣告公司應該係貪靚嘅，希望帶到活力同新鮮感畀觀眾。」堅爺又笑指有件衫相當蝦人著：「有一件係考我嘅，西裝背心真空嘅，燈芯絨質地，拮肉嘅，我就又熱又拮肉咁樣扮到好靚。」