90後港女入職政府工首月已想走？ 呻捱Probation壓力爆煲 列7大缺點狠批「衰過坐監」！網民兩派激辯

入職首月已覺不對路 港女呻：與想像有落差

樓主於Dcard以「召集各位做緊紀律部隊／公務員既90／00後ching」為題發帖，詢問其他紀律部隊、公務員是如何捱過試用期。她表示入職第一個月已覺得「唔係好對路」，原本抱着做多一排再算的心態，惟工作一段時間後，對政府工的印象逐漸改變。

她續指，外界經常形容政府工是「鐵飯碗」，但實際福利、醫療、退休保障、薪酬及晉升等，令她感到與預期有落差。她又指人工「又唔係特別高」，沒有花紅或雙糧，做數年甚至十年才逐漸追上較理想水平，甚至認為自己在私人市場工作一年，收入已可能高過目前做數年的水平。

晉升等十幾廿年？ 港女狠批職場小圈子

樓主又指，部門晉升機會有限，上級不少與自己年紀相若，若要等到有空缺，可能要再等十幾二十年，而且「唔代表一定有機會」。最令樓主難受的似乎是人事問題。她形容部分同事「好有優越感」，又有小圈子文化，甚至指有人會因不喜歡某名同事而聯同其他人孤立對方，令她感到職場欺凌。她又稱，部分同事經常以「我都係為你好」等說話包裝批評，實際卻令她感到句句帶刺。作為新人，她遇到未曾接觸的工作時，本來不懂屬正常，但即使按照同事要求嘗試回答，仍可能被反過來斥責，令她對工作產生壓力。

樓主亦在帖文中列出自己對政府工作的多項不滿，包括：

1. 入到去醫療又冇，退休之後冇醫療
2. 公立資源少
3. 晉升機會又細，對上嗰班人年紀差唔多，要等多十幾廿年先有得諗升
4. 人工唔係特別高
5. 冇花紅／雙糧，做幾年甚至十年先有返咁上下人工，我喺出面私人公司做一年都多過依度做幾年
6. 成日玩埋咩小圈子，又成日擺款，一款高高在上既樣
7. 成日雞蛋裏挑骨頭

偶爾請病假被指「射波」 怒斥同事雙重標準

樓主亦提到自己身體較弱，偶爾需要請病假到醫院求診，平均一年約看5、6次醫生，但她指部分同事卻將情況形容得像「日日射波」。她質疑，同事自己生病時同樣會請假求醫，為何新人卻受到不同標準對待？她又稱，甚至連工作期間與身旁同事交談幾句也被限制，反觀其他同事沒有工作時卻可以聊天，令她覺得「雙標」。

樓主表示，自己其後更感到長期被人監視，形容工作環境「衰過坐監」，返工日日承受巨大壓力，情緒亦受到影響。她坦言目前已覺得這份工作「真係唔係人做」，至少認為自己並不適合，更不禁聯想到政府職位「請極都請唔到人」。

【原帖文】

點擊圖片放大

網民認同：政府工一樣可以好癲

部分網民對樓主的遭遇表示認同，直言「真係癲」，又認為公務員工作並非人人適合，「冇咁上下做唔到公僕」。有網民則提醒，實際情況很視乎職系及職級，「有啲職系真係癲啲」。亦有人認為政府工的工作文化本身可能令人壓抑，「政府工，一啲都唔好做，做多做少都死」。

網民留言

• 冇咁上下做唔到公僕
• 睇你邊個職系同咩grade 有啲職系真係癲啲
• 樓主以前讀咩？依家依到搵幾多㗎
• 所以你到底係做咩職系
• 政府工一啲都唔好做，做多做少都死
• Office環境真係好壓抑

另一派反駁「政府工已經好筍」

不過，另一批網民就認為樓主可能忽略政府工作的優點，直指部分職位已相當「筍」。有人以專業職系為例，指月薪可達79K起，再加上房屋福利，年薪可達百萬元水平，更反問樓主：「你試下跳去私人工，睇下邊度壓抑啲。」

亦有自稱紀律部隊的網民表示，自己目前部門雖然工作繁忙，但同事關係良好，反而做得相當開心，更形容「日日返工好歡樂」，晉升速度亦不錯，認為樓主遇上的問題未必代表整個政府架構，而可能只是「Team嘅同事問題」。

網民留言

+3

+2

點擊圖片放大

轉私人市場未必更好？網民：出面同樣有職場政治

亦有網民認為，私人市場並非想像中理想，樓主若認為自己在外面更有發展，不妨實際轉工試試。同時指出，樓主目前面對的人事問題，在私人公司、NGO及非牟利機構同樣可能存在，甚至未必較政府部門友善。

來源：Dcard