薩莉亞偷飲汽水以為冇人知？前員工揭店長下令實捉 埋單自動加錢治貪小便宜
到薩莉亞（Saizeriya）用餐，飲品吧任飲的設定人所共知，但若沒有額外付費便自行取用飲料，究竟會不會被職員發現？近日有網民在 Threads 拋出有關疑問，隨即引來大批食客現身分享親身經歷。
薩莉亞沒叫飲品吧就自行取飲料？
薩莉亞的飲品吧屬自助形式，需要額外收費、可無限次取用。有網民在社交平台 Threads 發帖，好奇問道「其實有冇人喺薩莉亞冇嗌飲品吧攞嘢飲真係畀人捉過」，帖文一出隨即引來大批網民留言，紛紛分享自己或身邊人的遭遇。
網民拆解：職員多數不當場阻止 埋單時自動補加費用
綜合多名網民的說法，職員一般不會即場捉人，而是在結帳時自動補回飲品吧的費用。有留言直接解釋「唔會捉你但埋單嗰時會幫你加返野飲錢」；亦有食客憶述曾目睹職員拿着落單機到鄰桌處理，「有㗎，前排見到有個職員拎住部機，去我隔籬枱，指住枱面三杯飲品，我估就係幫佢哋加返三個飲品吧」。另有網民補充，這種做法本質上「其實都只係幫你落返飲品吧嘅單」，並非額外罰款。
網民直擊：食客無付費飲汽水 職員察覺遂提醒要加錢
不過，都有網民分享曾經目擊食客被即場「補單」的尷尬經過：「前日11點幾就去食，當時得4張檯有人，其中一檯係一個目測10歲左右嘅男仔，坐低無耐就好大聲問WiFi密碼係咩！個經理話店鋪無WiFi，個男仔堅持話有WiFi喔，點會無密碼。個經理：『我哋店鋪無WiFi，如果商場WiFi密碼我哋唔清楚。』然後個男仔應該叫咗嘢就起身去斟可樂，個經理上咗第一碟嘅時候無出聲，然後個男仔又去斟咗杯，等佢坐埋位時，個經理話：『飲汽水要加自由飲嘅錢，幫你加返啦。』」
前員工親證：店長會指示巡查「其實係會有人捉」
除了食客視角，有自稱曾於薩莉亞工作的前員工現身說法，指店方確實有巡查機制：「我之前做呢間，通常啲店長都會叫我去檢查啲人有冇嗌飲品吧，由於我平時都冇呢個（嗌飲品吧）習慣，然後見到有人冇嗌我都當睇唔到。不過講真，其實係會有人捉嘅，我見其他staff都會正常捉。」
網民怒斥貪小便宜 VS 試過飲水被加錢
有網民對這種行為不以為然，認為為了十多元的飲品費而如此並不值得，直言「你面皮都幾厚」，亦有人反問「諗唔到點解要做啲缺德嘢」。
另一批網民則分享相反遭遇，指自己明明只是取水，卻被職員誤加費用，感到無辜。有人氣憤表示「元朗廣場嗰間仲黐線，三個飲水都加我哋錢，真係要」，也有食客稱「試過飲水都比職員加左人頭錢，當時仲未埋單」，需要即場向職員澄清。
網民留言如下：
此外，亦有網民藉此澄清，純粹取用清水並不收費，強調自己多年來如此也從未被捉，「我不嬲都會喺嗰度攞杯然後斟水，咁多年都冇俾人捉過，仲要係熱水加凍水溝埋變暖水」，並有人補充「水不嬲唔駛比錢喎」。
飲品吧收費幾多？飲清水需否付費？
目前薩莉亞的成人飲品吧收費 $13，屬於付費任飲性質；兒童飲品吧收費則為 $8（實際價格請以各分店為準）。至於純粹飲水並不收費，惟部分人反映曾因取水被誤加費用，如有疑問可即場向職員查詢。
資料及圖片來源：Threads@eee0.304、Saizeriya
尖沙咀7蚊點心人龍排爆12樓到出街！封「早茶界薩莉亞」：9蚊食原隻鮑魚燒賣！
平時在尖沙咀或其他旺區飲茶，每位消費隨時過百元，但近日居然出現「$7 蚊點心」破盤價！位於尖沙咀 The ONE 的一家酒樓，憑藉超抵的特價點心菜單在網上爆紅，被一眾食客與網民封為「香港早茶界薩莉亞」！逢週末及優惠時段，排隊人龍甚至從 12 樓一路擠滿走廊兼排到商場門口出街，引發全網瘋傳，連內地網民都驚嘆「呢個價錢真係平過廣州深圳」。
薩莉亞享用飲品吧請謹記必須付費。有網民分享，職員通常不會即場阻止，但會在結帳時自動補加飲品吧的費用，視為幫你落單，並非罰款。
港生活人氣本地熱話
9月開學內容共創大募集 贏走100個遊樂場代幣🎒
↓【請您食月餅🥮】↓
>登記領取利苑「雙聚嚐月禮盒」<
U GO 本週好去處
