洗碗月薪高達4萬4惹全網熱議！內行揭外判包場黑幕：拆開除返人頭仲慘過散工

洗碗驚現 $44,000 高薪？門口告示瘋傳

日前有網民在小紅書貼出一張在餐廳門外拍下的招聘告示照片，只見紙上清晰寫著「外聘洗碗每月 $44,000」，其高薪讓樓主驚訝發文，質疑「洗碗有 4 皮，我懷疑係詐騙集團殺到嚟」！招聘資訊曝光後，瞬即引來大量網民討論，「咁易有 4 皮，地盤佬都轉行啦」、「我想做，係咪純粹洗碗先」？亦有網民慨嘆市道艱難，「高薪都請唔到人，餐飲老闆真係難」。

▼網民留言▼

+7

+6

點擊圖片放大

內行揭「外判包場」真相！一個人根本洗唔完

對於網民的興奮，大批飲食業老手與內行人紛紛出言打破幻想，指出這根本不是單一員工的月薪，而是「外判包場」的合約總額。網民解釋包場外判非單人薪金，「即係 4 萬 4 你包做佢成個場，請幾多人喺 4 萬 4 裡面扣，勞保同清潔物料仲要自備」、「不論承包商請多少人，只會給你 4 萬 4，一個人永遠洗唔完」。

而且大型餐廳或高流轉茶餐廳的高峰期洗碗量極大，單靠一人絕無可能完成。拆開人頭薪金，一日最少要開 3 至 5 個人頭，若 $44,000 由 3 名工人平分，每人月薪僅約 $14,666，更可能全月無休兼做足 10 至 12 小時。扣除自費的清潔耗材與保費後，折合實際時薪甚至低於一般飲食業散工，屬於典型的「表面高薪、拆開超低薪」極致體力勞動。

▼網民留言▼

+3

+2

點擊圖片放大

過來人苦勸：辛苦到腰都伸唔直

除了薪金被拆細之外，網民亦指出香港的「洗碗工」工作量極度繁重，絕非在家洗幾隻碗如此輕鬆。有過來人分享除了洗碗工作，還要包攬全場衞生，連樓面衞生、下欄、廁所通通都要做。有網民亦留言「十幾年前幫朋友茶餐廳頂過兩日洗碗，賺咗 $1,800 都唔夠去按摩，辛苦到腰都伸唔直，兩個人做根本搞唔掂」！

+2

點擊圖片放大

資料及圖片來源：小紅書@成仔、AI生成圖片

洗碗仔逆襲人生？捱足28年晉升7次成副總裁！拆解升職上位秘訣：每日必做3件事

由洗碗仔做到公司副總裁，需要多少年？美國連鎖餐廳The Cheesecake Factory資深副總裁Jay Hinson，用28年時間交出答案。他14歲入行，由低層廚師做起，歷經七次升職晉身管理層。他坦言，成功並非偶然，而是源於每日反思與主動學習的習慣，並分享3個看似簡單、卻足以改變職涯軌跡的方法。

+3

+2

點擊圖片放大

洗碗人工︱港男挑戰日薪$1000洗碗工 全日狂洗千件碗碟 崩潰大呻「唔係人做！」（盤點5大高薪辛苦工）

洗碗工｜在香港洗碗工的薪酬往往高於一般文職，甚至出現「日薪一千」仍乏人問津的困境。曾有港男親身前往旺角火鍋店挑戰這份「高薪厚職」，原以為可以輕鬆賺取千元酬勞，豈料海量的餐具和額外的清潔工作令他體力透支，收工時更直呼「唔係人做」。其實除了洗碗工外，本港亦有5大行業以「高薪、高勞力、高壓力」著稱，雖然月入可觀，但背後的辛酸卻非每個人都能承受，即睇自己嗰行係唔係！

+61

+60

點擊圖片放大