餐廳$4.4萬招聘洗碗工惹熱議！港人驚訝：洗碗咁好pay！網民揭4大魔鬼細節唔易做

月薪4.4萬洗碗惹熱議 港人震驚：有咁好pay

該名港人在Facebook群組「大埔 TAI PO」發帖，指早前發現一間餐廳在店外張貼招聘告示，以月薪44,000元招聘洗碗人員。他表示，自己看到招聘告示後相當意外，直言：「係咪我脫節得太耐，而家洗碗都有咁好pay㗎喇咩？」不過，他並非第一時間覺得人工吸引，反而認為「睇到個人工，第一時間唔係心郁，反而覺得有啲伏伏地」。

點擊圖片放大

洗足40日都無問題？網民反應兩極

帖文曝光後，有網民認為若薪金確實達$44,000，即使工作辛苦亦未必不能接受，紛紛留言「有四萬四洗足四十日都無問題啦」，更認為若經濟上有需要，辛苦捱幾個月，收入已相當可觀。

網民疑惑「外聘」還是「外判」？

不過，更多網民將焦點放在招聘告示的工作模式，留言詢問「外判定係外聘？」亦有人估計工作可能屬「包月」，即一個月內需要負責餐廳所有洗碗工作，甚至形容「全包黎，一個人洗到懷疑人生」、「判嚟做，1個人邊做得哂？」

亦有網民認為，以$44,000的薪金而言，工作量可能不止一個人的份量，甚至估計需要兩至三人分擔。另有人笑言，如果兩個人已經可以應付，餐廳或許直接請人會更划算。

網民留言

+6

+5

點擊圖片放大

44K背後藏「辛苦錢」？網民揭4大魔鬼細節

對於$44,000月薪，不少網民認為不能單看數字，關鍵仍是工作時數、休假安排、工作量，以及是否有正式僱傭保障。有網民留言指，若屬包月形式，可能代表需要長時間留守，甚至形容「無休息，做全日」。

亦有人以較誇張的說法形容工作強度，留言指「一日連洗十幾個鐘，又搬又抬日日如是」，更有人質疑若沒有假期、工傷及勞保等保障，$44,000未必如表面般吸引，笑言「普通人做完一個月已工傷。」

網民留言

• 外聘即外判比你，一個月31日都要洗，
• 放假要自己搵人頂你返工洗，見仁見智啦，一日洗12~14個鐘唔係講笑
• 不嬲餐廳最高人工果個係洗碗工，但係唔係人人可以做到，一日連洗十幾個鐘，又搬又抬日日如是
• 冇假期冇工傷冇勞保
• 應該係包月，無休息，做全日
• 普通人做完一個月已工傷

來源：Facebook@大埔 TAI PO