周家怡賽車驚爆意外椎間盤突出急送院 形容痛楚極恐怖「直程唔行得，揀中咗我」

拜香港冠軍賽車手盧思豪為師 剖析賽車手「好勝心」

今次「恨駕團隊」專誠請來香港傑出運動員、曾連續奪得香港房車錦標賽總冠軍、並在多項亞洲及世界級賽事中取得佳績的香港知名賽車手盧思豪作為三位女將的師父。這個「賽車手育成企劃」來到第二集，思豪坦言對三人充滿信心：「我訂立嘅賽車牌課程裏面，個重點唔係真係在於要揸到幾快，基本上係要認識賽車呢件事、知道安全性、同埋完成到一啲簡單嘅任務其實就可以 pass 到，所以我冇擔心過。」他又指「好勝心」是賽車手必備條件。家怡認為做好每一個 Step 比追求快更重要；Hedy 則承認三人其實都非常好勝，具備「I can do it」的信心與堅持。

健身操體能出事！周家怡椎間盤突出痛到無法行走

訓練隨即開始，不過鏡頭一轉，家怡竟然躺在醫院病床。問到入院原因，家怡最初笑說「休息吓囉」，之後才認真解畫：「要做賽車手吖嘛，做賽車手要練體能啦，我就非常認真對待呢件事，操咗十幾日，點知琴日操緊嘅過程可能攰得滯，跟住就閃到條腰。我做一個動作，好似 hyrox 推 wall ball，我接個波嘅時候上身唔夠力，個波就撞咗落去，撞正我椎間盤個位，咁樣就必咗出嚟。」她形容痛楚極其恐怖，直言當時「直程唔行得，揀中咗我」，需要即時送院。

堅持不放棄企劃！休養三個月康復九成 移師肇慶賽車場特訓

受傷後，節目組為安全起見曾提議取消企劃，但愛車如命的家怡堅持繼續：「我覺得咁難得開咗個頭，不如搞啦，唔好停啦。老人家成日都話筋骨一百日就好，睇吓三個零月係咪再好啲啦。」企劃因而暫緩三個月。

三個月後，家怡康復進度良好，物理治療師指其已康復超過九成；期間 Gladys 亦成功考獲棍波牌。團隊隨即出發前往肇慶廣東國際賽車場進行實地賽道特訓。試駕前夕，師父盧思豪仔細教導賽道失控時的手勢與燈號應變示意，確保安全，眾人興奮又緊張地準備正式駛入賽道體驗！

《恨駕女團之賽車手育成企劃EP.2》YouTube